Murr hélt upp á 100. leikinn með sigurmarki í Keflavík
Eftir þrjá slæma skelli í síðustu þremur umferðum nældu Stólastúlkur í sætan sigur í Keflavík í kvöld. Leikurinn var bísna fjörugur framan af en eina mark leiksins leit dagsins ljós á 32. mínútu þegar Murr skoraði annað mark sitt í sumar eftir góðan undirbúning Aldísar Maríu. Sigurinn var mikilvægur í ljósi þess að Eyjastúlkur höfðu lagt Selfoss í gras fyrr í dag en sigur Tindastóls þýddi að liðið skaust að nýju upp fyrir ÍBV og er í áttunda sæti Bestu deildarinnar.
Sem fyrr segir var leikurinn fjörugur og lið Tindastóls hefði hæglega getað skorað tvö mörk á upphafsmínútunum. Besta færið fékk Hugrún sem komst ein í gegn en setti boltann framhjá opnu marki eftir um tíu mínútna leik. Heimastúlkur fengu líka færi á hinum endanum en ef eitthvað þá voru sénsar gestanna hættulegri. Murielle Tiernan kom Tindastólsliðinu í forystu eftir 32 mínútur en þá fékk Aldís boltann á hægri kantinum, komst inn fyrir bakvörð Keflvíkinga og upp að endamörkum. Hún sendi góða sendingu út fyrir markteig þar sem Murr kom aðvífandi og skellti boltanum í markið af öryggi. Þetta var 98. mark Murr fyrir lið Tindastóls í deild og bikar en hún spilaði einmitt 100. leik sinn í kvöld. Rétt fyrir hlé áttu Keflavíkurstúlkur skot í þverslá úr aukaspyrnu en Melissa virtist vera með mest allt á hreinu í marki Tindastóls.
Lið Tindastóls gaf fá færi á sér í síðari hálfleik og í raun voru það gestirnir sem komust næst því að skora. Fyrst var það Elísa Bríet, 15 ára frá Skagaströnd, sem var nánast nákvæmlega hársbreidd frá því að skora fyrsta mark sitt í Bestu deildinni. Hún kom inn á 81. mínútu og tveimur mínútum síðar lagði Murr boltann fyrir hana við vítateigsbogann og Elísa átti frábært skot sem small í þverslánni og þaðan niður á marklínuna. Geggjað skot og þvílíka óheppnin að boltinn færi ekki inn. Tveimur mínútum síðar slapp síðan Murr inn fyrir vörn Keflavíkur en Vera Varis gerði vel í markinu og náði að verja eftir gott úthlaup. Heimastúlkur pressuðu í lokin en áttu ekki skilið að skora – Stólastúlkur héldu út og fögnuðu innilega dýrmætum þremur stigum.
Tindastólsliðið var vel að sigrinum komið, þær sköpuðu sér nokkur prýðileg færi og hefðu að ósekju átt að vinna stærri sigur. Leikurinn var þó í heildina jafn en það voru gestirnir sem náðu að nýta sína styrkleika betur í kvöld. Næst mæta stelpurnar liði Breiðabliks í Kópavogi þann 4. júlí og það er ekki spurning að það er löngu kominn tími til að vinna þær grænu.
Donni er mjög ánægður með allan hópinn
„Liðið gaf allt í leikinn og uppskar eftir því,“ sagði Donni þjálfari þegar Feykir spurði hann út í frammistöðu liðsins að leik loknum. „Varnarleikur liðsins var frábær allan leikinn og við gáfum fá ef einhver færi á okkur i dag. Einnig var sóknarleikurinn frekar beittur og fyrir utan þetta frábæra mark þá fengum við lika þrjú önnur dauðafæri auk skots í slá. Heildarframmistaða liðsins var virkilega góð.“ Aðspurður um hvort Elísa væri farin að banka á byrjunarliðsdyrnar sagði Donni: „Elísa er landsliðsstelpa og er mjög efnilegur ungur leikmaður sem er alltaf að stimpla sig meir og meir inn. Annars áttu allar góðan dag i dag og ég er mjög ánægður með allan hópinn.“
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.