Matgæðingar vikunnar - Sinnepslúða með sítrónu
Í 35. tbl Feykis árið 2008 buðu matgæðingarnir Eva Gunnarsdóttir og Guðjón Jónsson frá Sturluhóli upp á gómsætan lúðurétt með tilheyrandi forréttarsúpu og eftirrétt sem bráðnar í munni. Þau skoruðu á Hafþór Gylfason og Sigþrúði Magnúsdóttur Sunnuvegi 11 Skagaströnd að koma með uppskrift að tveimur vikum liðnum.
Forréttur: Sterk fiskisúpa f. 6.
- 100 g smjör,
- 1 msk grænt karrý mauk,
- 1 msk rautt karrý mauk,
- 2 msk hveiti,
- 1 1/2 l fiskisoð,
- 2-3 gulrætur,
- 3 rauðar paprikur,
- 2 stönglar af sellerí,
- 2 rauðir chilli belgir,
- Estragon eftir smekk,
- 1 lítil dós af tómat puré,
- 1/4 l rjómi,
- 500-600 g fiskur að eigin vali.
Paprikur, gulrætur, sellerí og chilli er skorið niður og svitað í smjörinu og karrýmaukinu á pönnu. Hveiti er bætt saman við og fisksoðinu hellt rólega saman við. Estragoni og tómatpuré bætt út í ásamt rjómanum og að lokum er fiskbitunum bætt út í. Súpan er borin fram með góðu brauði.
Aðalréttur: Sinnepslúða með sítrónu f. 4
- 1 kg lúðuflök eða heil lúða,
- 1 sítróna,
- 1/2 stór krukka af Dijon sinnepi,
- Salt og pipar eftir smekk,
- 500 g smjör.
Sítrónan er skorin í þunnar sneiðar og sett í pott ásamt smjörinu og sinnepinu. Hrært vel í á meðan. Lúðuflökin/lúðan eru sett í eldfast mót og sósunni hellt yfir. Steikt í c.a 20 mín. við 180° C. Borið fram með nýjum kartöflum eða grjónum og einföldu salati.
Eftirréttur: Súkkulaðimús f. 4.
- 4 eggjahvítur,
- 200 g sykur,
- 200 g súkkulaði (70%),
- 1 peli rjómi,
- Jarðarber.
Eggjahvíturnar og sykur eru stífþeytt saman. Súkkulaði brætt í vatnsbaði og hrært saman við sykurinn og eggjahvíturnar. Rjóminn er þeyttur og svo eru þessu blandað varlega saman (þannig að músin líti út eins og marmari). Sett í glös eða skálar. Látið standa í ísskáp í 1-2 klst. Skreytt með jarðarberjum.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.