Málþing um torfarfinn í Kakalaskála
Byggðasafn Skagfirðinga stendur fyrir málþingi um torfarfinn í Kakalaskála í Skagafirði þann 8. nóvember næstkomandi, frá kl. 11–15. Þingið er tileinkað Sigríði Sigurðardóttur, Sirrí í Glaumbæ, fyrrverandi safnstjóra Byggðasafns Skagfirðinga, í tilefni af stórafmæli hennar en hún varð sjötug á dögunum. Fjallað verður um torfarfinn frá ýmsum hliðum á málþinginu.
Torfarfurinn hefur löngum verið Sirrí hugleikinn en auk þess að koma á fót Fornverkaskólanum þá hefur hún stundað umfangsmiklar rannsóknir og miðlun á torfarfinum um áratuga skeið.
D A G S K R Á :
11:00 Setning málþings – Harpa Þórsdóttir þjóðminjavörður
11:10 „Hefðin sem lifir í höndunum“: Samningur UNESCO um varðveislu menningarerfða frá 2003 og lifandi handverksþekking - Sigurlaug Dagsdóttir, verkefnisstýra vefsins Lifandi hefða hjá Þjóðminjasafni Íslands
11:30 Skagfirska torfhúsarannsóknin: niðurstöður og lærdómur – Bryndís Zoëga, landfræðingur og fyrrv. verkefnastjóri hjá Byggðasafni Skagfirðinga
11:50 Torfarfurinn sem viðfangsefni stjórnsýslunnar – María Gísladóttir, arkitekt hjá Minjastofnun Íslands
12:10 Spurningar og umræður
12:20 Hádegisverður
13:00 Þrívíddarskönnun á torfi og torfverkfærum - Alex Casteel og Doug Daniels, frá UCLA háskóla í Bandaríkjunum (erindið fer fram á ensku)
13:20 PVC dúkar í torfhúsum - Helgi Sigurðsson, hleðslumeistari hjá Fornverki ehf.
13:40 Torf- og grjóthleðslur á ferðamannastöðum - Gunnar Óli Guðjónsson, landslagsarkitekt hjá Stokkum og steinum ehf.
14:00 Þarfasti þjónn húsasmiðsins, notaður við aðdrætti við húsbyggingar - Snædís Traustadóttir húsasmíðameistari
14:20 Spurningar og umræður
14:30 Kaffi, kleinur og spjall
15:00 Málþingi slitið
Fundarstjóri verður Berglind Þorsteinsdóttir, safnstjóri Byggðasafns Skagfirðinga. Aðgangur á málþingið er ókeypis og það opið öllum áhugasömum. Farið er fram á skráningu á heimasíðu safnsins fyrir 6. nóvember. Boðið verður upp á streymi af málþinginu.
Fleiri fréttir
-
Jólabarnaball í sal FNV í dag kl. 17:00
feykir.is Skagafjörður, Austur-Húnavatnssýsla, Vestur-Húnavatnssýsla 27.12.2024 kl. 11.14Hið árlega Jólabarnaball verður haldið á sal Fjölbrautaskólans á Sauðárkróki í dag, föstudaginn 27. des. kl. 17:00. Að vanda eru allir hjartanlega velkomnir – börn og fullorðnir. Nemendur í 10. bekk Árskóla syngja og dansa við jólatréð og svo mæta að sjálfsögðu jólasveinarnir með glaðning handa krökkunum ... Hóhó!Meira -
Karlafitt 550 sigraði Jólamót Molduxa
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 27.12.2024 kl. 09.48Jólamót Molduxa í körfubolta fór fram í gær, annan dag jóla, í íþróttahúsinu á Sauðárkróki. Samkvæmt venju var mótið vel sótt, bæði af hálfu keppenda og ekki síður áhorfenda en að þessu sinni tóku 10 lið þátt. Keppt var í tveimur riðlum, á tveimur völlum, frá kl. 11-16, en þá hófst úrslitaleikur efstu liða hvors riðils. Það var Karlafitt 550, sem stóð uppi sem sigurvegari mótsins og Una Aldís Sigurðardóttir hlaut þann heiður að fá Samfélagsviðurkenningu Molduxa þetta árið.Meira -
Jólaspekingar spjalla
feykir.is Skagafjörður, Austur-Húnavatnssýsla, Vestur-Húnavatnssýsla, Börnin segja, Lokað efni 27.12.2024 kl. 08.23Jólin eru hátíð barnanna og því er ekkert vit í öðru en spyrja yngstu spekingana aðeins út í nokkur lykilatriði og svörin að sjálfsögðu hreinskilin.Meira -
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.