Málþing um Guðrúnu frá Lundi
feykir.is
Skagafjörður, Listir og menning
30.07.2010
kl. 08.29
Guðrún Árnadóttir skáldkona kenndi sig ávallt við fæðingarbæ sinn Lund, sem er í Austur Fljótum í svokallaðri Stíflu. Fljótin eru í nyrsta byggðarlagi Skagafjarðar.
Hugur er í Fljótamönnum sem ætla að heiðra minningu skáldkonunnar í sumar með því að halda málþing undir heitinu Er enn líf í Hrútadal? og verður það laugardaginn 14. ágúst að Ketilási í Fljótum. Katrín Jakobsdóttir menntamálaráðherra mun opna málþingið.
- Erindi flytja:
- Guðjón Ragnar Jónasson MA. í íslenskum fræðum: Hrútadalur og Fljótin.
- Marín Guðrún Hrafnsdóttir, bókmenntafræðingur og langömmubarn Guðrúnar: Er Guðrún frá Lundi langamma þín?
- Ármann Jakobsson dósent: Er Katla að gjósa? Illu komið til leiðar í Dalalífi.
- Ásta Kristín Benediktsdóttir MA. í íslenskum bókmenntum: Er líf eftir Dalalíf? Hugleiðingar um bækur Guðrúnar frá Lundi.
- Bjarni Harðarson bóksali á Selfossi: Hvernig getur menningin orðið stóriðja sveitanna?
- Í kaffihléi les Ingunn Snædal ljóð þar sem leiðarstefið er hin fagra sveit.
Aðgangseyrir er 1000 krónur fyrir málþing og kaffi. Síðan verður slegið upp harmonikkuballi um kvöldið þar sem andblær hins liðna fær að njóta sín. Félagar úr harmonikkufélagi Skagafjarðar leika fyrir dansi og byrjar ballið kl. 22:00 og stendur til 02:00, eins og var siður hér á árum áður.
Frítt er á tjaldstæðið við Ketilás. Aðrir gistimöguleikar eru á Sólgörðum s. 4671054 og á Bjarnagili s. 4671030.
- Upplýsingar veita:
- Guðjón Ragnar Jónasson í síma: 8600414 gudjonr@mr.is
- Hjördís Leifsdóttir í síma: 8691024 bruna@simnet.is
- Marín Guðrún Hrafnsdóttir í síma: 6645776 marin@hafnarfjordur.is
Fleiri fréttir
-
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira -
Nemó FNV fer með Rocky Horror í Hof
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 19.04.2025 kl. 12.15Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.Meira -
Kjóllinn týndist á leiðinni til landsins svo þau þurftu að senda nýjan af stað
feykir.is Skagafjörður, Lokað efni 19.04.2025 kl. 09.00Dagrún Dröfn Gunnarsdóttir býr á Freyjugötunni á Sauðárkróki og verður fermd í Sauðárkrókskirkju þann 19. apríl af sr. Sigríði Gunnarsdóttur. Foreldrar hennar eru Klara Björk Stefánsdóttir og Gunnar Smári Reynaldsson. Dagrún sagði Feyki frá undirbúningnum.Meira -
„Jú mamma, ég veit að þú átt fleiri sögur í líkamanum þínum“
feykir.is Skagafjörður, Lokað efni 19.04.2025 kl. 09.00Sigrún Alda Sigfúsdóttir er fædd og uppalin í Skagafirði, örverpið í stórum barnahópi þeirra Sigfúsar og Guðrúnar í Stóru-Gröf syðri. Sigrún flutti til Reykjavíkur þegar hún var 17 ára og hefur búið þar síðan. Í dag býr hún í Mosfellsbæ ásamt fjölskyldunni sinni. Sigrún er í sambúð með Arnari Jónssyni, verkefnastjóra og eiganda fyrirtækisins Parallel. Saman eiga þau þrjú börn, Rebekku Eik sem er 7 ára og tvíburadrengina Jón Ými og Sigfús Orra sem eru 4 ára. „Við Arnar ætlum loksins eftir tíu ára samband að ganga í hjónaband í sumar og ætlum að sjálfsögðu að gera það á fallegasta staðnum, Skagafirði.“ Sigrún er talmeinafræðingur sem gaf nýverið út bók sem hugsuð er til að auka orðaforða barna í gegnum sögulestur. Feykir spjallaði við Sigrúnu um nýju bókina og lífið.Meira -
Langar í Pug-hund í fermingargjöf
feykir.is Austur-Húnavatnssýsla, Mannlíf, Lokað efni 18.04.2025 kl. 19.07Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.