Málstofa í Verinu
Föstudaginn 24. apríl kl. 12.00 – 13.00 mun Dr. Stefán Óli Steingrímsson, dósent við fiskeldis- og fiskalíffræðideild Háskólans á Hólum, segja frá helstu niðurstöðum nýstárlegs rannsóknarverkefnis þar sem skrásett var atferli vorgamalla laxfiska (bleikja, urriði, lax) við náttúrulegar aðstæður í ám í Skagafirði og nágrenni.
Þetta er mjög áhugavert rannsóknarefni og ætti allt áhugafólk um náttúru og ekki síst veiðimenn að koma og fylgjast með.
Á heimasíðu Versins segir að þrátt fyrir að óðals- og fæðuatferli hafi veigamiklar afleiðingar fyrir stofnvistfræði ungra laxfiska, þá hafa þar til nú engar beinar athuganir farið fram á slíku atferli við náttúrulegar aðstæður í íslenskum ám. Í þessu verkefni var fylgst með atferli 214 fiska frá árbakkanum eða með köfun. Að auki var upplýsingum um búsvæðaval og fæðuframboð safnað fyrir hvern fisk.
Niðurstöður þessa verkefnis sýna að íslenskir laxfiskar eru mjög breytilegir í því hvernig þeir ráðast á bráð sína og verja óðul. Til dæmis er bleikja mun hreyfanlegri við fæðunám en urriði og lax, sem bíða frekar eftir bráðinni á föstum fæðustöðvum.
Þá notar bleikja stærri óðul en urriði, en virðist að sama skapi ekki verja þau eins vel. Þessar niðurstöður verða
ræddar í samhengi við stofnvistfræði laxfiska.
Málstofan er öllum opin, súpa og brauð.
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.