Lundasýning opnar á morgun
Puffin and friends nefnist sýning sem opnuð verður á morgun laugardag á Aðalgötu 24 á Sauðárkróki sem í dag gengur undir nafninu Engill eða Engilshúsið sem hýsti áður rafmagnsverkstæðið Tengil. Sýningin hefst klukkan 11 árdegis. Hér er um sýningu að ræða sem gaman er fyrir ferðamenn sem og heimafólk að skoða.
„Grunnhugmyndin að þessari sýningu er hlýnun hafsins og tilfærsla á lífríki sjávar m.t.t. þeirra fugla og fiska sem lifa í því, sérstaklega til norðurs,“ segir Árni Gunnarsson einn aðstandenda sýningarinnar en með honum eru þeir Árni Rúnar Hrólfsson, Magnús Barðdal og Guðbrandur Ægir Ásbjörnsson. Ægir bætir við útskýringar Árna að einnig sé tekið á þætti mannsins í hnatthlýnuninni sem veldur því m.a. að lundastofninn stækkar fyrir norðan land og er orðinn miklu aðgengilegri heldur en er fyrir sunnan og vestan land. Það er mat þeirra máta að sé ískyggileg og hröð þróun.
Fyrir utan húsið er stórt tjald en þar verður rekin upplýsingamiðstöð fyrir fyrir ferðamenn en einnig verður til sölu ýmiss konar varningur og þar er hægt að kaupa miða á sýninguna.
Fyrst er farið inn í herbergi sem sýnir afleiðingar hlýnunar jarðar sem við lifum núna, en að sögn Árna er það sjórinn sem tekur rúmlega 90% af henni. Einnig er vakin athygli á þeirri plastmengun sem orðin er ógnvekjandi í heimshöfunum en sjávardýr verða fyrir margvíslegum skaða vegna plastmengunar.
Lundinn er orðinn aðgengilegur á eyjunum þremur í Skagafirði, Drangey, Málmey og Lundey og segir Árni að yfir 100 þúsund lundapör verpi í þeim. Í minnstu eynni, Lundey, verpa um 22 þúsund pör en hinar eyjarnar eru með álíka fjölda hvor um sig, eitthvað yfir 40 þúsund pör. Ægir segir að tiltölulega sé stutt síðan lundinn tók sér bólfestu í Málmey en hefur búið vel um sig þar.
Þó að alviðfangsefni safnsins sé lundinn, fá aðrir sjófuglar, og þau spendýr sem hafa Skagafjörð sem búsvæði, sitt pláss í sýningunni. Má þar nefna þá hvaltegundir sem sjást reglulega á firðinum sem og selir, bæði út- og landselur. Þá verður til sýnis hvítabjörninn sem felldur var í Fljótum árið 1988 og hefur verið vistaður í Náttúrugripasafninu í Varmahlíð.
Að endingu geta gestir brugðið á sig sýndargleraugum og ferðast út í Drangey með hjálp tækninnar og 360° myndatöku.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.