Lummudagar í Varmahlíð
- Þegar kom að skreytingum voru íbúar í Varmahlíð með smáatriðin á hreinu.
Varmhlíðingar létu Lummudagana ekki framhjá sér fara, þónokkuð var um appelsínugular skreytingar í þorpinu og dagskrá á laugardeginum.
Dagskráin hófst með ratleik þar sem um 50 manns tóku þátt, fólk á öllum aldri og jafn þorpsbúar sem ferðamenn af tjaldstæðinu. Ratleikurinn dró hópana inn í Kaupfélag að athuga verð á spaghetti, suður á leikskóla þar sem mála átti börnin, inn í skóg þar sem yrkja þurfti vísu, upp á fótboltavöll þar sem skora þurfti mörk og að lokum niður að Hótel Varmahlíð þar sem allir gæddu sér á lummum og drykkjarföngum.
Þegar fólk hafði svalað þorstanum og mett magann voru veitt verðlaun í hinum ýmsu flokkum og m.a. fyrir bestu vísuna. Þau verðlaun fékk hópur af fólki sem var tjaldsvæðinu og hljómar vísan svo:
Lummur eru gómsætar
Skagfirðingar bjóða
með sultu og rjóma vel ætar
hlátrasköllin hljóma.
Þess má geta að allir hópar þurftu að syngja vísuna sína í verðlaunaafhendingunni og við lagið Fljúga hvítu fiðrildin.
Að lummukaffinu loknu fór hópur fólks í Krókinn til að taka þátt í dagskrárhöldunum þar en Steini á Mel bauð upp á rútuferð og skilaði svo hópnum heim um sexleytið en þá var fjöldi fólks saman kominn við Varmahlíðarskóla þar sem var grillað og sungið fram á kvöld.
Varmhlíðingar virtust almennt mjög ánægðir með daginn og hlökkuðu til að gera enn betur að ári. Þá höfðu hagyrðingarnir af tjaldstæðinu orð á því hversu gaman var að taka þátt í þessum degi.
Myndirnar og textann sendi Rúnar Gíslason. Ef fleiri lesendur Feykis luma á myndum og skemmtilegum sögum þá minnum við á að allt svoleiðis er vel þegið.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.