Lillukórinn 25 ára
Afmælis- og lokatónleikar Lillukórsins verða í Félagsheimilinu á Hvammstanga laugardaginn 29. apríl kl.14:00. Kórinn var stofnaður 1992 að frumkvæði Ingibjargar Pálsdóttur, Lillu, sem þá var tónlistarkennari á Hvammstanga og er nafnið þannig til komið. Stofnfélagar voru 16 konur en fljótt bættist í hópinn og að jafnaði hafa milli 20 og 30 konur úr Húnaþingi vestra starfað með kórnum ár hvert. Í heildina hafa 80 konur tekið þátt í starfi kórsins og enn starfa þrír stofnfélagar með honum.
Í fyrstu var starfsemi kórsins nokkuð öflug en því miður hefur endurnýjun ekki verið mikil síðustu árin. Kórinn er þó vel virkur enn, æft er að jafnaði tvisvar í viku frá vori til hausts, farið í eina til tvær tónleikaferðir og haldnir vortónleikar ár hvert.
Frá upphafi hefur Ingibjörg Pálsdóttir haldið utan um starfsemi kórsins og séð um útsetningar margra laganna á söngskránni ásamt því að annast raddæfingar. Nokkrir undirleikarar hafa verið með kórnum, lengst af Guðjón Pálsson sem sá jafnframt um kórstjórn en síðustu fimm árin hefur Sigurður Helgi Oddson annast stjórn og undirleik.
Kórinn hefur gefið út tvo geisladiska. Ég hylli þig Húnaþing sem kom út árið 1999 og Sendu mér sólskin árið 2004. Á þeim seinni eru öll lögin og einnig ljóðin eftir Pétur Aðalsteinsson frá Stóru Borg.
Á tónleikunum á laugardaginn fær kórinn til sín góða gesti sem eru Sprettskór og Grundartangakórinn sem Atli Guðlaugsson stjórnar. Undirleikari er Sigurður Helgi Oddsson.
Allir eru hjartanlega velkomnir á tónleikana. Aðgangur er ókeypis og boðið verður upp á veglegar veitingar að hætti kórsins.
Sérstakir styrktaraðilar tónleikanna eru Húnaprent, Kaupfélag Vestur - Húnvetninga og Landsbankinn.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.