Lifi íslenskur landbúnaður
Atli Már Traustason er bóndi og frjótæknir á Syðri Hofdölum í Skagafirði. Hann er stúdent frá FNV og búfræðingur frá Hvanneyri, giftur Klöru Helgadóttur og eiga þau þrjú börn og tvö barnabörn. Á Syðri Hofdölum er rekið blandað bú,80 mjólkurkýr, sem stefna senn í 100, og uppeldi sem því fylgir og einnig talsverð nautakjötsframleiðsla,alls eru um 300 nautgripir á búinu.
Það er tímabundið fjárleysi vegna riðuniðurskurðar á bænum en það horfir til betri vegar með haustinu, flest var féðum 900 envarum 700 þegar skorið var niður 2020. Hross verðum við að eiga til að falla í fjöldann en það eru þónokkrir tugir til heimils að Hofdölum. Með búrekstrinum sinnir Atli kúasæðingum í hálfum firðinum flesta daga ársins og er það unnið í verktöku.
Er eitthvað búið að verið að byggja eða breyta eða laga undanfarið eða undanfarin ár? „Lífið gengur fínt í sveitinni, næg verkefni og þá er ekki yfir neinu að kvarta. Við erum alltaf eitthvað að dunda með hefðbundnum bústörfum. Nýtt fjós, rúmlega 2000 fermetrar var tekið í notkun 2019. Í framhaldi af því var síðan aðstaðan fyrir nautaeldið endurnýjuð og lagt áherslu á vinnuhagræðingu. Núna er síðan verið að breyta fjósinu aðeins, setja þar inn tvo nýja mjaltaþjóna og allt sem því fylgir. Við riðu niðurskurð þurfti að farga öllum innréttingum tengdum sauðfé og því þurfti að innrétta allt upp á nýtt. Þeirri vinnu er lokið á Svaðastöðum en þar eru útihús sem nytjuð eru ásamt landi. Þessi vinna stendur hins vegar yfir hér heima í fjárhúsunum, en þau taka 700 kindur og voru byggð árið 2003. Setja á grindagólf í hluta af húsunum og útbúa þar sauðburðaraðstöðu, áður voru þau öll á taði. Alltaf eitthvað stúss, þá er gaman.“
Nú er tíðarfarið búið að vera alls konar í sumar, hvernig er staðan hjá ykkur? „Tíðin í sumar hefur verið krefjandi, en allt hefst þetta haldi maður rétt á spöðunum. Það var minni uppskera úr fyrri slætti, í kringum 20%, en góð spretta hefur verið á umferð tvö það sem af er. Við erum langt komin með seinni slátt, miðvikudagar hafa verið drjúgir til heyskapar.
Það var ákveðið að setja kornið í rúllur þetta árið þar sem ljóst var að ekki næðist nægilegur þroski í það til að það svaraði kostnaði að standa í þreskingu, gengur bara betur næst. Heyfengur verður minni en undanfarin ár en samt nægur ef allt fer fram sem horfir.
Óbilandi bjartsýni og trú á því að matvæli sem við bændur erum að framleiða séu ein þau bestu í heimi eru verðlaunin fyrir langa vinnudaga og mikla viðveru, það er engin stytting vinnuvikunar í sveitinni.
Eruð þið bjartsýn á framhaldið? „Íslendingar eru forréttindapésar að hafa aðgang að miklum náttúruauðlindum, grænni orku sem við þurfum N.B. að virkja, öflugum heilnæmum landbúnaðarafurðum og miklum og góðum mannauði. Pössum okkur að líta ekki á þessa hluti sem sjálfsagða og verum auðmjúk gangnvart þessari einstöku aðstöðu okkar. Lifi íslenskur landbúnaður!“
Fleiri fréttir
-
Æfingar hefjast hjá Skagfirska kammerkórnum.
feykir.is Skagafjörður, Austur-Húnavatnssýsla, Vestur-Húnavatnssýsla 16.09.2024 kl. 14.50Miðvikudaginn 11.september hóf Skagfirski kammerkórinn æfingar á ný eftir sumarfrí og heldur inn í sitt tuttugasta og fimmta starfsár.Meira -
Hvaðan kemur verðbólgan? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.09.2024 kl. 14.35Tveir helztu drifkraftar verðbólgunnar hér á landi undanfarin misseri hafa annars vegar verið kostnaður vegna húsnæðis og hins vegar innflutt verðbólga. Aðallega frá ríkjum Evrópusambandsins enda mest flutt inn þaðan. Verðbólga jókst þar ekki vegna aukinna umsvifa heldur fyrst og fremst vegna glórulausra ákvarðana evrópskra ráðamanna í orkumálum sem varð til þess að ófá ríki sambandsins urðu háð orku frá Rússlandi. Þegar loks var brugðist við í þeim efnum, þó enn sé flutt inn mikið af rússneskri orku, leiddi það til hærra orkuverðs, þar með hærri framleiðslukostnaðar og loks hærra vöruverðs sem síðan skilaði sér hingað.Meira -
Oddviti Húnabyggðar ósáttur við vinnubrögð Vegagerðarinnar
feykir.is Austur-Húnavatnssýsla 16.09.2024 kl. 10.24„Ég ætla bara að ítreka það að við erum búin að standa við okkar. Við erum búin að sameina og mér finnst það asskoti hart að fá svona í bakið fyrir mitt samfélag. Við erum að reyna að sameina samfélög, við gerum það ekki með því að búa til óeiningu milli hverfa í okkar samfélagi,“ sagði Guðmundur Haukur Jakobsson, oddviti Húnabyggðar, í samtali við RÚV í gær.Meira -
30 milljónir settar í undirbúning fyrir Fljótagöng
feykir.is Skagafjörður 16.09.2024 kl. 09.23Stjórnvöld hafa ákveðið að flýta rannsóknum fyrir jarðgöng úr Fljótum og til Siglufjarðar og er nú stefnt að því að borun fyrir jarðgöng geti hafist árið 2026. Þrjátíu milljónum verður varið í að undirbúa gerð jarðganga úr Skagafirði í Fjallabyggð sem myndi leysa af hólmi veg um Almenninga en hann hefur farið illa í veðrum og jarðhreyfingum undanfarin ár og er talinn hættulegur vegfarendum.Meira -
Kormákur/Hvöt hélt sæti sínu í 2. deild þrátt fyrir tap í lokaumferðinni
feykir.is Austur-Húnavatnssýsla, Íþróttir, Vestur-Húnavatnssýsla 15.09.2024 kl. 19.07Það var hart barist í síðustu umferð 2. deildarinnar í tuðrusparkinu í gær. Hvorki hafði gengið né rekið hjá Kormáki/Hvöt í síðustu leikjum og útlitið ekki verulega gott fyrir lokaleikinn; erfiður andstæðingur í Ólafsvík á meðan lið KF spilaði heima á Ólafsfirði gegn Hetti/Huginn sem hafði tapað fimm leikjum í röð og virtust hættir þetta sumarið. Það eina sem spilaði með Húnvetningum var að þeir höfðu stigi meira en lið KF fyrir síðustu umferðina og það reyndist heldur betur mikilvægt þar sem bæði lið töpuðu og bættu því ekki við stigasafnið. Kormákur/Hvöt náði því í raun þeim frábæra árangri að halda sæti sínu í 2. deild og það voru víst ekki margir sem veðjuðu á það fyrir mót.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.