Lifandi frásögn - sagan hér og nú!
Menningarhringurinn sem er verkefni Selaseturs Íslands, Byggðasafnsins að Reykjum, Grettistaki og SSNV , býður upp á námskeið í munnlegri frásögn laugardaginn 18. apríl n.k. Námskeiðið höfðar sérstaklega til þeirra sem taka á móti gestum og er öllum áhugasömum opið.
Í tilkinningu frá Menningarhringnum segir:
Menningararfurinn er allt í kringum okkur. Hann er í Íslendingasögunum og öðrum skráðum sögum, hann er í munum og minjum, hann er í minningum og upplifun okkar á atburðum. Við erum arfberar. Við berum ábyrgð á því hvernig þessi arfur er fluttur áfram og hvernig hann tengir mann við mann, hóp við safn, mun við minningu, þjóð við þjóð, útlendinga við sjálfsmynd okkar, Íslendinga við rætur sínar.
Í stuttri móttöku er ekki hægt að miðla öllu. Við reynum að miðla sem mestu. Miklu máli skiptir að heimsóknin verði minnisstæð. Ein frásögn getur greipst inn í huga viðkomandi og gert heimsóknina minnisstæða alla tíð. Lifandi og persónuleg frásögn.
Á námskeiðinu – Lifandi frásögn – sagan hér og nú! - verður unnið með aðferð við að segja sögur þar sem áheyrendur upplifa sig mitt í stað og tíma frásagnarinnar. Byggt er á Grettis sögu sterka, en kennt verða aðferðir til að yfirfæra námsefnið á aðrar sögur eða annað efni.
Leiðbeinandi er Sigrún Valbergsdóttir, leiðsögumaður og leikstjóri.
Staður: Félagsheimilið Ásbyrgi, Laugarbakka.
Tími: 10-18
Kostnaður: kr. 3000 á þátttakenda, en kr. 1500 fyrir þá sem eru á atvinnuleysiskrá.
Léttur hádegisverður og síðdegiskaffi (á vegum Kvenfélagsins Iðju) er innifalið.
Skráning til föstudags 17. apríl í síma 455-2515, Gudrun Kloes, gudrun@ssnv.is
Markhópur: starfsmenn safna og setra, ferðaþjónustuaðilar, skemmtikraftar, allir aðrir sem taka á móti ferðamönnum og gestum.
Menningarhringurinn – Selasetur Íslands, Byggðasafnið að Reykjum, Grettistak, SSNV atvinnuþróun
Menningarhringurinn er styrktur af Menningarráði Norðurlands vestra og Sparisjóði Húnaþings og Stranda
Fleiri fréttir
-
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira -
Nemó FNV fer með Rocky Horror í Hof
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 19.04.2025 kl. 12.15Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.Meira -
Kjóllinn týndist á leiðinni til landsins svo þau þurftu að senda nýjan af stað
feykir.is Skagafjörður, Lokað efni 19.04.2025 kl. 09.00Dagrún Dröfn Gunnarsdóttir býr á Freyjugötunni á Sauðárkróki og verður fermd í Sauðárkrókskirkju þann 19. apríl af sr. Sigríði Gunnarsdóttur. Foreldrar hennar eru Klara Björk Stefánsdóttir og Gunnar Smári Reynaldsson. Dagrún sagði Feyki frá undirbúningnum.Meira -
„Jú mamma, ég veit að þú átt fleiri sögur í líkamanum þínum“
feykir.is Skagafjörður, Lokað efni 19.04.2025 kl. 09.00Sigrún Alda Sigfúsdóttir er fædd og uppalin í Skagafirði, örverpið í stórum barnahópi þeirra Sigfúsar og Guðrúnar í Stóru-Gröf syðri. Sigrún flutti til Reykjavíkur þegar hún var 17 ára og hefur búið þar síðan. Í dag býr hún í Mosfellsbæ ásamt fjölskyldunni sinni. Sigrún er í sambúð með Arnari Jónssyni, verkefnastjóra og eiganda fyrirtækisins Parallel. Saman eiga þau þrjú börn, Rebekku Eik sem er 7 ára og tvíburadrengina Jón Ými og Sigfús Orra sem eru 4 ára. „Við Arnar ætlum loksins eftir tíu ára samband að ganga í hjónaband í sumar og ætlum að sjálfsögðu að gera það á fallegasta staðnum, Skagafirði.“ Sigrún er talmeinafræðingur sem gaf nýverið út bók sem hugsuð er til að auka orðaforða barna í gegnum sögulestur. Feykir spjallaði við Sigrúnu um nýju bókina og lífið.Meira -
Langar í Pug-hund í fermingargjöf
feykir.is Austur-Húnavatnssýsla, Mannlíf, Lokað efni 18.04.2025 kl. 19.07Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.