Lið Selfoss vann Fótbolti.net bikarinn
Knattspyrnulið Tindastóls í karlaflokki spilaði um síðustu helgi einn merkilegasta leik sinn síðasta áratuginn í það minnsta en þá héldu strákarnir austur á land og léku við lið KFA í Reyðarfjarðarhöllinni. Um var að ræða undanúrslitaleik í Fótbolti.net bikarnum og gulrótin var því bikar og úrslitaleikur á Laugardalsvelli. Þrátt fyrir hetjulega baráttu og ágætan leik voru það þó heimamenn í Knattspyrnufélagi Austurlands sem höfðu betur, unnu leikinn 2-1.
Leikurinn fór þó vel af stað fyrir gestina því Dominic Furness kom liði sínu yfir strax á fjórðu mínútu. Aðeins sex mínútum síðar höfðu heimamenn jafnað með marki Eiðs Orra Ragnarssonar. Staðan jöfn í hálfleik en sigurmarkið gerði Marteinn Már Sverrisson um miðjan síðari hálfleik og þrátt fyrir að gestirnir gerðu sitt besta þá kom jöfnunarmarkið ekki.
Gott sumar engu að síður hjá Stólunum sem sigruðu 4. deildina með glæsibrag og komust sem fyrr segir í undanúrslit í Fótbolta.net bikarnum þar sem eigast við lið í 2., 3. og 4. deild.
Í úrslitaleiknum, sem fram fór í fyrrakvöld, mættust lið Selfoss og KFA og þar náðu Austfirðingar forystunni snemma í síðari hálfleik. Selfysstingar, undir stjórn Bjarna Jó, jöfnuðu stundarfjórðungi fyrir leikslok og þeir gerðu síðan tvö mörk í framlengingu og unnu leikinn 3-1. Til hamingju Selfoss!
Fleiri fréttir
-
Heilbrigðisstofnun Norðurlands 10 ára í dag
feykir.is Skagafjörður, Austur-Húnavatnssýsla, Aðsendar greinar, Fréttir 01.10.2024 kl. 11.45Heilbrigðisstofnun Norðurlands, HSN á 10 ára starfsafmæli í dag, en stofnunin varð til við sameiningu Heilbrigðisstofnunar Þingeyinga, Heilsugæslunnar á Akureyri, Heilsugæslustöðvarinnar á Dalvík, Heilbrigðisstofnunar Fjallabyggðar, Heilbrigðisstofnunar Sauðárkróks og Heilbrigðisstofnunar Blönduóss, þann 1. október 2014.Meira -
Dansmaraþon Árskóla
feykir.is Skagafjörður, Fréttir 01.10.2024 kl. 11.10Dansmaraþon 10. bekkinga í Árskóla fer fram dagana 2. og 3. október. Munu nemendur dansa frá kl. 10 á miðvikudegi til kl. 10 á fimmtudegi.Meira -
Umhverfisviðurkenningar ársins 2024 veittar í Húnaþingi vestra
feykir.is Vestur-Húnavatnssýsla 01.10.2024 kl. 10.07Umhverfisviðurkenningar ársins 2024 í Húnaþingi vestra voru veittar þann 26. september 2024 á veitingastaðnum Sjávarborg á Hvammstanga. Árlega veitir sveitarfélagið þeim aðilum viðurkenningu sem þótt hafa verið til fyrirmyndar við fegrun lóða sinna. Í frétt á heimasíðu Húnaþings segir að kallað hafi verið eftir tilnefningum íbúa og nefnd vegna umhverfisviðurkenninga, sem skipuð er af sveitarstjórn, sér um valið.Meira -
Skólabörn frá Blönduósi heimsóttu Borealis Data Center
feykir.is Austur-Húnavatnssýsla, Fréttir 01.10.2024 kl. 09.30Í tilefni af Norrænu gagnaversvikunni heimsóttu 12-13 ára nemendur Húnaskóla ásamt kennurum sínum gagnaver Borealis Data Center á Blönduósi. Var þetta tækifæri fyrir nemendur að fá innsýn í heim gagnavera og kynna sér hlutverk þeirra í hinum stafræna heimi.Meira -
Ferðaþjónustan, ráðherra ferðamála og þingmenn NV funda á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 30.09.2024 kl. 14.32Samtök ferðaþjónustunnar (SAF) og Markaðsstofa Norðurlands (MN) standa fyrir opnum fundi og bjóða þingmönnum Norðurlands vestra til samtals um uppbyggingu, ástand og horfur í ferðaþjónustu á svæðinu. Fundurinn fer fram þriðjudaginn 1. október á veitingastaðnum Teni, Húnabraut 4 á Blönduósi, og stendur á milli kl. 16 og 18. meðfylgjandi er hlekkur Skráning á fundinn! SAF og MN hvetja leika og lærða til að fjölmenna á fundinn og taka þátt í umræðum um ferðaþjónustu í sínu nærsamfélagi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.