Létt verk hjá Tindastólsmönnum að hoppa yfir Hamrana
Þá er apríl genginn í garð og alvaran tekin við í fótboltaheimum. Í gær gerðu Tindastólspiltar góða ferð norður á Greifavöllinn á Akureyri þar sem þær mættu heimamönnum í Hömrunum. Um var að ræða leik í fyrstu umferð Mjólkurbikars KSÍ og eftir öfluga byrjun Stólanna þá reyndist litlum vandkvæðum bundið að landa sigri. Lokatölur 2-7 fyrir Tindastól og eru okkar menn því komnir í aðra umferð.
Það var nýi framherjinni, Max Karl Linus Selden frá Sweden, sem kom Stólunum á bragðið á fimmtu mínútu leiksins og hann bætti við örðu marki á 14. mínútu. Eysteinn Bessi kom Stólunum í 0-3 eftir hálftímaleik en Gunnar Þórir Björnsson minnkaði muninn fyrir Hamrana á markamínútunni alræmdu. Staðan 1-3 í hálfleik.
Jónas Aron kom Stólunum aftur á bragðið á 58. mínútu og Eysteinn Bessi bætti við fimmta marki Stólanna fimm mínútum síðar. Fannar Hafsteinsson klóraði í bakkann þegar rúmur stundarfjórðungur var til leiksloka en Stólarnir innsigluðu sigurinn með mörkum frá Adda Ólafs á 87. mínútu og Sverri Hrafni á þeirri 90.
Verkefni Tindastóls verður erfiðara í annari umferð Mjólkurbikarsins því þá liggur leiðin norður að nýju en nú til Dalvíkur. Þar bíður lið Dalvíkur/Reynis sem leikur nú í 2. deild eftir að hafa lyft sér upp úr 3. deildinni sl. sumar. Lið Tindastóls spilar aftur á móti í nýlagaðri 4. deild sem í sumar spilast í einum riðli, Slökustu liðin spila nú í þremur riðlum í nýstofnaðri 5. deild.
Fleiri fréttir
-
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.