Laufskálarétt og boðið heim að Hólum
Það er heilmikið um að vera í kringum Laufskálarétt fyrir hestaunnendur en þétt dagskrá alla helgina. Það má segja Laufskálaréttarhelgin sé sannkölluð hátíð hestamanna þar sem fólk hvaðanæva af landinu koma til að fylgjast með réttarstörfum og samgleðjast.
Á föstudagskvöld verður stórsýning og skagfirsk gleði í reiðhöllinni Svaðastöðum. Þá ætlar m.a. Stefán Birgir Stefánsson að mæta með heimaræktuðu hryssuna Eldborg frá Litla-Garði, fjórir heimsmeistarar mæta á svæðið, hreppamenn ætla að taka lagið og ýmislegt fleira. Húsið opnar kl. 20 og gleðin hefst kl. 20:30.
Sjálfur réttardagurinn hefst kl. 10 hjá sjálfboðaliðum þegar smölun stóðsins hefst. Stóðið verður rekið niður um kl. 12 og réttarstörf hefjast kl. 13.
Fyrsti spretturinn á landsmótsvellinum
Landsmót hestamanna býður alla velkomna heim að Hólum þegar réttarstörfum í Laufskálarétt lýkur þar sem boðið verður upp á lifandi tónlist og rjúkandi kjötsúpu að hætti skagfirskra hestamanna. Hægt er að koma við hvenær sem er til að skoða þær framkvæmdir sem hafa verið í gangi en formleg dagskrá hefst kl. 16:00 með stuttum ávörpum. Að þeim loknum verður fyrsti spretturinn farinn á nýja vellinum og farið í skoðunarferð um svæðið. Á meðfylgjandi myndum, sem teknar voru sl. mánudag, má sjá hvernig landsmótssvæðið hefur tekið miklum breytingum undanfarið.
Um kvöldið verður hið sívinsæla Laufskálaréttarball og hefst það kl. 23 í reiðhöllinni Svaðastöðum. Hljómsveitin Von ætlar að halda uppi stuðinu, ásamt stórsöngvurunum Eyþóri Inga, Magna Ásgeirs og Ölmu Rut. Vakin er athygli á því að aldurstakmark er 16 ár og engin bjórsala er á staðnum.
Um helgina verður einnig opið lengur í sundlaugum, trúbadorar föstudags- og laugardagskvöld, opin hrossaræktarbú, fullt af góðum mat, söngur og gleði að hætti Skagfirðinga.
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.