Landsmót hestamanna hófst í gær
Nú er hafið 25. Landsmót hestamanna en það fer fram á félagssvæði Fáks í Víðidal í Reykjavík. Mótið, sem hófst í gær og lýkur sunnudaginn 7. júlí, er haldið í sameiningu af tveim stærstu hestamannafélögum landsins, Hestamannafélaginu Fáki og Hestamannafélaginu Spretti. Setning Landsmótsins verður á fimmtudagskvöldið og í framhaldi af því fara leikar að æsast en reikna má með um 7.500 gestum á mótið.
Í tilefni af LH er viðtal við meistarann Þórarin Eymundsson í Feyki vikunnar, sem kemur út á morgun. Hann segir Skagfirðinga senda mjög sterka keppendur á mótið að vanda. „Skagafjörðurinn hefur getið af sér marga úrvals gæðinga og á þessu LM verður engin breyting þar á. Skagfirðingur sendir alls tíu gæðinga í A-flokk en helmingur þeirra hesta vann sér þátttökurétt í einkunnir í vor en Skagfirðingur sendir að þessu sinni fimm hesta í hvern flokk. Einnig fara hátt dæmdir klárhestar í gæðingakeppnina og fjórganginn en nú er farið að keppa í öllum greinum hestaíþrótta á LM.“
Á Facebook-síðu hestamannafélagsins Skagfirðings er sagt frá afrekum Skagfirðinga á Landsmótinu og um að gera fyrir áhugasama að fylgjast vel með þar. Þar segir m.a. að sérstök forkeppni hafi verið í barnaflokki á Landsmóti í gærmorgun. „Okkar ungu Skagfirðingar áttu glæsilegar sýningar og voru félagi sínu til mikils sóma. Tvær komust áfram í milliriðla í barnaflokki. Þau Emma Rún Arnardóttir og Tenór frá Litlu Sandvík með 8.64 og Sigrún Sunna Reynisdóttir með Myllu frá Hólum með 8.57. Þær munu keppa í milliriðli á miðvikudaginn kl. 11:00.“
Þá segir að Arnheiður Kristín Guðmundsdóttir og Sprækur frá Fitjum, Sigríður Elva Elvarsdóttir með Tenór frá Túnsbergi, Sigrún Sóllilja Eyþórsdóttir með Geisla frá Keldulandi, Pétur Steinn Jónsson með Takt frá Bakkagerði, Grétar Freyr Pétursson með Sóldísi frá Sauðárkróki og Hreindís Katla Sölvadóttir með Ljóma frá Tungu áttu góðar sýningar og hafi staðið sig frábærlega.
Fleiri fréttir
-
Hekla - á Króknum í dag
feykir.is Skagafjörður, Austur-Húnavatnssýsla, Vestur-Húnavatnssýsla 04.07.2024 kl. 09.40Bílaumboðið Hekla verður á Króknum í dag, fimmtudaginn 4. júlí, fyrir utan Bílaverkstæði KS milli kl. 12 og 15. Þar getur fólk komið og reynsluekið nokkrar gerðir af bílum það er því um að gera að kíkja við.Meira -
Yfir tuttugu verkefni hlutu styrk úr Menningarsjóði KS
feykir.is Skagafjörður, Austur-Húnavatnssýsla, Vestur-Húnavatnssýsla 04.07.2024 kl. 09.04Þann 29. maí sl. kom saman stjórn Menningarsjóðs KS þar sem megin markmiðið var að úthluta úr sjóðnum. Þau verkefni sem voru valin voru flest skagfirsk en húnvetnsk voru þar einnig á meðal. Má segja að þetta sé eins konar viðurkenning fyrir það að gera lífið skemmtilegra og litríkara. Menningarsjóðurinn hefur í gegnum tíðina verið með tvær úthlutanir á ári, annars vegar að vori og hins vegar um jól og var 21 verkefni úthlutað styrk í þetta skiptið. Í stjórn sjóðsins sitja Bjarni Maronsson, formaður, Þórólfur Gíslason, kaupfélagsstjóri, Einar Gíslason, Efemía Björnsdóttir og Inga Valdís Tómasdóttir.Meira -
Húnvetningar og Ólsarar deildu stigunum
feykir.is Austur-Húnavatnssýsla, Íþróttir, Vestur-Húnavatnssýsla 04.07.2024 kl. 08.59Það var hart tekist á á Blönduósvelli í gær þegar lið Kormáks/Hvatar tók á móti einu af toppliðum 2. deildarinnar, Víkingi Ólafsvík, sem ekki fyrir margt löngu léku listir sínar í efstu deild Íslandsmótsins. Gestirnir náðu forystunni rétt fyrir hlé en heimamenn jöfnuðu þegar langt var liðið á leikinn. Lokatölur því 1-1.Meira -
Hjólið góða hefur verið formlega afhent
feykir.is Skagafjörður, Mannlíf 03.07.2024 kl. 15.10Nú í hádeginu afhenti Ásta Ólöf Jónsdóttir fötluðum í Skagafirði forláta hjól með hjólastólarampi við athöfn sem fram fór við húsakynni Iðju-hæfingar á Sauðárkróki og í kjölfarið var hjólið vígt. Það var þann 14. febrúar á þessu ári sem Ásta Ólö, áhugamaður um velferð fatlaðra, sendi frá sér fréttatilkynningu þess efnis að hún væri búin að hrinda af stað söfnun fyrir hjóli með hjólastólarampi. Hjólið sem varð fyrir valinu er þannig búið að hægt er að festa hjólastól framan á það og hjóla svo með viðkomandi um allar trissur.Meira -
Húnavakan nálgast óðfluga
feykir.is Austur-Húnavatnssýsla, Listir og menning, Mannlíf 03.07.2024 kl. 14.42Þær gerast ekki mikið glæsilegri bæjarhátíðirnar en Húnavakan á Blönduósi. Hún verður haldin dagana 17.-21. júlí og það er næsta víst að sólin verður í Húnabyggð – hvernig svo sem viðrar – sem og Stjórnin. Það er farið að kynda eftirvæntingarbálið á netinu og ekki annað að sjá en að dagskráin verði meiriháttar í ár.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.