Kvenfélag Hólahrepps gefur Háskólanum á Hólum hjartastuðtæki
Meðal markmiða Kvenfélags Hólahrepps er að láta gott af sér leiða og á
hverju ári hefur félagið gefið gjafir sem koma sér vel fyrir
samfélagið eða ákveðna einstaklinga þess, sem þurfa á stuðningi að
halda. Að þessu sinni voru gjafapeningar ársins 2008 og 2009 settir í
eina veglega gjöf til Háskólans á Hólum, hjartastuðtæki, sem er afar
mikilvægt fyrstu-hjálpar-tæki ef fólk lendir í hjartastoppi.
Já, gjöfin er vegleg því hjartastuðtæki kostar um 270.000 krónur.
Kvenfélagið býður einnig upp á námskeið í notkun tækisins og fékk Karl
Lúðvíksson einn okkar fremsta skyndihjálparmann til þess að leiðbeina
þátttakendum. Félagið mun líka sjá um allan kostnað við tækið í
framtíðinni. Er það reyndar einlæg von Kvenfélagskvenna að ekki komi
til þess að nota þurfi tækið!
Á Hólum er oft margt um manninn. Hólar er fjölsóttur ferðamannastaður
og einnig er þar stöðugt vaxandi starfsemi háskólans. Rúmlega 100
manns eiga nú lögheimili á Hólum og svo býr þar fjöldi manns um lengri
eða skemmri tíma og ber þá fyrst að nefna nemendur, sumarstarfsfólk,
fornleifafræðinga og ferðamenn. Í margmenni er gott að vita af
hjartastuðtæki á vísum stað.
María Gréta Ólafsdóttir nýkjörinn formaður Kvenfélags Hólahrepps sést
hér afhenda Skúla Skúlasyni rektor Háskólans á Hólum tækið og að baki
þeim standa nokkrar kvenfélagskonur. Þær eru frá vinstri: Sólrún
Harðardóttir, Sigríður Björnsdóttir, Sigurbjörg B. Ólafsdóttir, Aldís
Axelsdóttir, Guðrún Þóra Gunnarsdóttir nýhættur formaður og Kristina
Tryselius.
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.