Kínverji sást í Skagafirði
Sá fáheyrði atburður átti sér stað á dögunum að Kínverji sást í Skagafirði. Vakti hann athygli gesta og gangandi. Mun tilgangur ferðar hans hafa verið sá að fjárfesta í Skagafirði.
Þannig keypti hann pulsu með öllu og kók í Varmahlíð, kíkti í galleríið sömuleiðis og splæsti í forláta lopapeysu með hestamunstri sem hann hyggst gefa móður sinni. Hann var þó hvergi nærri hættur, heldur fór inn á Sauðárkrók, þar sem hann heimsótti veitingastað og borðaði þar kvöldverð, ásamt því að versla reiðinnar öll ósköp af sleifum í Skagfirðingabúð og ekki nóg með það, heldur fór hann í Sauðárkróksbakarí í bítið morguninn eftir og keypti sér morgunverð.
Hefur þetta uppátæki Kínverjans vakið margar spurningar um raunverulegan tilgang hans með heimsókninni í Skagafjörð. Óttast sumir að þessi kaup hans á vörum og þjónustu séu hreint og klárt yfirskin og ætli hann sér síðar að setja hér upp risastóra stjarneðlisrannsóknarstöð og krefjast þess í framhaldinu að þak verði reist yfir fjörðinn. Aðrir hafa heyrt að hann ætli að byggja upp ferðaþjónustu í stórum stíl í Skagafirði, en banna síðan ferðamönnum að heimsækja þá staði og jafnvel hefur heyrst að hann ætli sér að banna flugum að fljúga yfir staðina.
Kínverjinn hélt úr Skagafirði í gærdag en kunnugir segja að hann hyggist heimsækja fjörðinn aftur síðar og taka móður sína með og þá verður spennandi að sjá hvort hann lætur til skarar skríða eða ekki.
Fyllsta ástæða er hins vegar til þess að láta umhverfisráðherra vita af þessu uppátæki.
Fleiri fréttir
-
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.