Karvel Lindberg Karvelsson sækist eftir 3. sæti hjá Sjálfstæðisflokknum
Karvel Lindberg Karvelsson bóndi á Hýrumel í Borgarfirði hefur ákveðið að bjóða sig fram í prófkjöri Sjálfstæðismanna í Norðvesturkjördæmi. Karvel óskar eftir stuðningi í
3. sæti í prófkjörinu.
Karvel er 37 ára gamall og hefur lokið BS námi í búvísindum frá Landbúnaðarháskólann á Hvanneyri. Hann er kvæntur Lindu Björk Pálsdóttur fjármálastjóra Borgarbyggðar og saman eiga þau Ingu Lóu og Karvel Lindberg.
Ég er formaður Sjálfstæðisfélags Borgarfjarðarsýslu og hef verið það sl. 4 ár en jafnhliða því hef ég tekið að mér ýmis trúnaðarstörf fyrir flokkinn.
Ég sat í fræðslunefnd Borgarfjarðarsveitar og hef verið í fræðslunefnd Borgarbyggðar síðan sveitarfélögin sameinuðust og er nú varaformaður nefndarinnar.
Ég gegni ýmsum trúnaðarstörfum fyrir bændastéttina, er meðal annars í stjórn Búnaðarsamtaka Vesturlands og sit í ýmsum nefndum fyrir mitt búgreinafélag. Ég hef verið virkur þátttakandi í þjóðfélagsumræðunni um málefni bænda.
Ég býð mig fram af því að mig langar að koma að því uppbyggingarstarfi sem framundan er í íslensku samfélagi.
Ég tel nauðsynlegt að einstaklingar sem hafa beina tengingu við atvinnulífið og hafa upplifað sjálfir hversu mikilvægt það er að fyrirtækjum sé búinn eðlilegur rekstrargrundvöllur láti til sín taka í þeim verkefnum sem framundan eru.
Ég held að allir geti verið sammála um að nú sé nóg komið af samrunahagnaði, útrás og skuldsettum yfirtökum, nú er kominn tími til að bretta upp ermar og skapa einhver raunveruleg verðmæti.
Íslenskt þjóðfélag hefur alla burði til þess að verða öflugt framleiðsluland í þeim skilningi að hér býr vel menntað og vinnusamt fólk sem getur nýtt á skynsaman hátt allar þær gjöfulu auðlindir sem landið hefur upp á að bjóða.
Ég er tilbúinn að beita mér af fullum krafti fyrir þau mörgu og brýnu verkefni sem bíða okkar, fái ég til þess umboð.
Mín helstu baráttumál verða atvinnumál, landbúnaðar- og menntamál.
Fleiri fréttir
-
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira -
Langar að vera með spurningakeppi í veislunni
feykir.is Vestur-Húnavatnssýsla, Lokað efni 21.04.2025 kl. 10.00Guðni Þór Alfreðsson býr á Hvammstanga og er sonur Alfreðs Alfreðssonar og Unnar Valborgar Hilmardóttur. Alfreð verður fermdur þann 8. júní í Hvammstangakirkju af sr. Magnúsi Magnússyni.Meira -
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.