Karlasveit GSS í 3. sæti í þriðju deild í sveitakeppni GSÍ
Golfklúbbur Sauðárkróks keppti í sveitakeppni Golfsambands Íslands í 3. deild dagana 7.-9. ágúst á Bárarvelli við Grundarfjörð. Samkvæmt fréttatilkynningu var keppt í 5 deildum í karlaflokki og eru 8 lið í hverri deild alla jafna.
Í 3. deild er keppt með holukeppnisfyrirkomulagi þannig að tveir úr hvoru liði spila saman svokallaðan fjórmenning og síðan spila 2 sinn hvorn tvímenningsleikinn. Keppt er í tveimur 4. liða riðlum. Þetta eru því 3 leikir í hverri umferð.
Í tilkynningunni segir að 1. umferðin hafi verið leikin á föstudagsmorgni og þá lék GSS við Golfklúbb Hellu(GHR). Elvar Ingi og Jóhann Örn spiluðu fjórmenning og sigruðu 5/4. Í tvímenningsleikjunum tapaði Arnar Geir 1/0 og Jón Þorsteinn tapaði 2/1.
Eftir hádegið á föstudeginum var leikið á móti Golfklúbbnum Hamri á Dalvík (GHD). Elvar Ingi og Jóhann Örn spiluðu fjórmenning og sigruðu 2/0. Í tvímenningi tapaði Arnar Geir 2/1 og Jón Þorsteinn 4/2. „Það var því ljóst að ef GSS ætlaði að lenda í 2. sæti riðilsins þá þyrfti að sigra í öllum leikjum á móti heimamönnum í Golfklúbbnum Vestarr á laugardagsmorgninum,“ segir í tilkynningunni.
„Fjórmenninginn spiluðu þeir Jóhann Örn og Jón Þorsteinn og var sá leikur mjög spennandi en að lokum höfðu þeir sigur 1/0. Tvímenningsleikirnir unnust nokkuð örugglega. Arnar Geir sigraði 3/2 og Elvar Ingi sigraði 4/3. Eftir þann leik var ljóst að GSS myndi lenda í öðru sæti riðilsins og spila eftir hádegið við efsta sætið í hinum riðlinum sem var Golfklúbbur Akureyrar (GA). Sama liðsskipan var í þeim leik og um hörkuviðureign varð að ræða þó svo á endanum töpuðust allir leikirnir.“
Einnig segir að Jóhann Örn og Jón Þorsteinn hafi tapað með minnsta mögulega mun 1/0 og einnig Elvar Ingi í sínum leik 1/0 en Arnar Geir tapaði 3/2. Það var því ljóst eftir þann leik að GA myndi leika í 2.deild á næsta ári.
„Mjög skemmtileg keppni í alla staði“
Í hinum undanúrslitaleiknum léku Dalvík ( GHD) og Húsavík (GH) og þar sigraði GHD í tveimur viðureignum en GH í einni. Lokaleikur GSS var því á móti GH á sunnudagsmorgninum. Í fjórmenningi léku þeir Arnar Geir og Elvar Ingi og sigruðu mjög örugglega 7/6 í sínum leik. Hákon Ingi Rafnsson lék síðan fyrsta leik sinn í sveitakeppni karla, 14 ára gamall, og tapaði 6/5. Jóhann Örn sigraði síðan 2/1 í sínum leik.
„3. sætið staðreynd hjá GSS sem er alveg ljómandi árangur. Þetta var mjög skemmtileg keppni í alla staði og vel að hlutum staðið hjá heimamönnum á Grundarfirði. Allt skipulag til fyrirmyndar og völlurinn alveg stórskemmtilegur og óhætt að mæla með honum við alla golfara,“ segir loks í tilkynningunni.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.