Júdódeild Tindastóls 30 ára í fyrra
Karl Lúðvíksson byrjaði að kenna júdó í Varmahlíð 1985 og árið 1994 stofnaði hann Júdódeild innan Tindastóls og fagnaði því deildin 30 ára afmæli sínu í fyrra. Í byrjun fékk deildin mikla hjálp frá Akureyringum og þá helst frá Jóni Óðinn Óðinssyni. Fyrsta húsnæðið sem var leigt undir starfið var hin svokallaða „Hreyfing“ frá Eddu íþróttakennara.
Seinna færðist starfsemin í íþróttasal barnaskólans, svo í kjallarann undir íþróttahúsinu og eftir það var deilt einu hólfi í íþróttahúsinu með glímudeildinni. Haldnar voru júdó kynningar meðal annars með Thor Vilhjálmssyni og Bjarna Friðrikssyni en síðan fór deildin í smá dvala og voru þá engin námskeið, æfingar, keppni né Íslandsmeistaratitlar hjá deildinni á því skeiði. Árið 2014 komu svo Einar Örn Hreinsson og Jakob Smári Pálmason, sem var iðkandi hjá Kalla í gamla daga, ásamt öðrum, deildin aftur af stað.
Æfingar voru þá í íþróttasalnum í gamla Barnaskólanum þangað til að hann var seldur. Þá byrjaði deildin að nýta sér eitt hólf hjá Íþróttahúsinu. Síðar kom í ljós að deildin þyrfti meiri tíma í salnum en þar sem erfitt var að fá fleiri/lengri æfingtíma færði deildin sig í annað húsnæði. Í dag eru allar æfingar félagsins að Borgarflöt 5 og loksins er hægt að koma til móts við iðkendur með því að skipta upp hópnum eftir bæði aldri og getu.
Deildin býður upp á júdó og leiki fyrir tveggja til fimm ára börn, börn á yngsta stigi í grunnskóla, júdó fyrir mið- og unglingastig í grunnskóla, fullorðinsflokk, júdó fyrir fatlaða, fallæfingar fyrir alla og svo er opið dojo þar sem allir geta mætt og tekið gólfglímu, að auki er þrisvar í viku jóga hópur í salnum.
Þann 27. október bauð deildin bæjarbúum að skoða nýja æfingaaðstöðu og var í leiðinni með smá sýningu þar sem allir iðkendur fengu tækifæri á að sýna hvað þau geta. 2024 hefur, eins og undanfarin ár, verið mjög árangursrík hjá deildinni. Í janúar lenti Jóhanna María í öðru sæti á alþjóðlegu móti í Belgíu. Í mars varð Freyr Hugi (17 ára) með Caitlynn Morrie (14 ára) annar á Íslandsmeistaramóti í Kata í fullorðinsflokki og Caitlynn Morrie með Jóhönnu Maríu (12 ára) náði í fjórða sætið. Í apríl varð Harpa Sóllilja Íslandsmeistari í U15. Tveir iðkendur fóru í æfingarbúðir til Zagrebs. Í maímánuði var tæknimót og æfingarbúðir hjá JRB. Júdódeild Tindastóls vann alla sína flokka og skipaði meira að segja fyrsta til þriðja sætið.
Sumarið var notaður í keppnisundirbúning og í september var farið í æfingarbúðir til Köln. Í nóvember fóru þrír iðkendur í æfingabúðir til Edinborgar. Júdódeild Tindastóls vann til margra verðlauna á árinu 2024 og hefur vakið athygli fyrir að vera sérstaklega kurteist og virðingarfullt þegar mætt er á mót og í æfingabúðir.
Annika Líf Maríudóttir Noack
Fleiri fréttir
-
Sú gula mætir á morgun, 15. janúar
feykir.is Skagafjörður, Austur-Húnavatnssýsla, Vestur-Húnavatnssýsla 14.01.2025 kl. 15.53Á morgun, milli kl. 16:00 og 22:00, mætir sú gula, öllum til mikillar gleði eða hitt og. Vedur.is segir að á Norðurlandi vestra verði stormur með vindstrengjum eða sunnan og suðvestan 15-25 m/s og vindhviður geta náð yfir 35 m/s við fjöll. Varasamar aðstæður fyrir ökutæki, sérílagi þau sem eru viðkvæm fyrir vindi.Meira -
Heildarorkukostnaður á Blönduósi og Skagaströnd hæstur á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 14.01.2025 kl. 14.48Líkt og undanfarin ár hefur Byggðastofnun fengið Orkustofnun til að reikna út árlegan kostnað við raforkunotkun og húshitun á sömu fasteigninni á flestum þéttbýlisstöðum og í dreifbýli. Nú er komin út skýrsla um orkukostnað heimila miðað við gjaldskrár 1. september 2024. Alls eru 92 byggðakjarnar í greiningunni, þar á meðal Hvammstangi, Blönduós og Skagaströnd, og ná tölur fyrir þá aftur til ársins 2014. Samhliða skýrslunni kemur út mælaborð þar sem hægt er að skoða orkukostnað í byggðakjörnum á Íslandskorti, skoða raforku- og húshitunarkostnað sér og bæta við útreikningi fyrir varmadælu fyrir staði með beina rafhitun, segir á huni.is.Meira -
Saltfiskur og skötuselur | Matgæðingur vikunnar
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 14.01.2025 kl. 12.00Matgæðingur vikunnar í tbl 39, 2023, var Jón Ingi Sigurðsson sem er tæknistjóri hjá FISK Seafood ehf. Konan hans er Elísabet Hrönn Pálmadóttir sem er fyrrverandi forstöðumaður Dagdvalar aldraðra á Sauðárkróki. Jón kemur frá Vestmannaeyjum en Elísabet er frá Holti á Ásum A-Hún. Jón og Elísabet eiga þrjú uppkomin börn og fjögur barnabörn. „Ég ætla að bjóða uppá tvo fiskrétti þar sem hægt er að nota sömu sósu og meðlæti með,“ segir Jón.Meira -
Skagafjörður hefur innleitt stafræna pósthólfið á island.is
feykir.is Skagafjörður 14.01.2025 kl. 09.23Lög um stafrænt pósthólf tóku gildi 1. janúar 2025. Í lögum nr.105/2021 kemur fram að öllum opinberum aðilum sé skylt að birta ákveðnar tegundir gagna sem snerta íbúa sveitarfélagsins í stafrænu pósthólfi. Þetta kemur fram á vef Skagafjarðar. Þau gögn sem um ræðir eru hvers konar gögn, sem verða til við meðferð máls hjá stjórnvöldum, svo sem tilkynningar, ákvarðanir, úrskurði, ákvaðir og aðrar yfirlýsingar.Meira -
Hugleiðing um áramót | Valgerður Erlingsdóttir skrifar
feykir.is Skagafjörður, Aðsendar greinar 14.01.2025 kl. 09.13Nú þegar við siglum inn í nýja árið er ekki úr vegi að líta yfir farinn veg og flýtur hugur þá oftar en ekki til æskuáranna, heim í Skagafjörðinn, þar sem landfestar lífs okkar margra eru sjálfsagt enn bundnar. Þegar ég hugsa til þessara tíma er mér þakklæti efst í huga. Þakklæti fyrir að hafa alist upp í samfélagi sem ég fann að ég var partur af, með fólki sem veitti mér rými til þess að vera ég sjálf, á sama tíma og það gaf mér tækifæri til að efla mig, vaxa og rækta sem manneskju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.