Júdó- og bogfimideildir formlega komnar undir Tindastól
Aðalfundur Tindastóls fór fram í Húsi frítímans þann 2. mars sl. Á dagskrá voru venjuleg aðalfundarstörf auk þess sem viðurkenningar voru veittar. Gerðar voru nokkrar breytingar á lögum félagsins þar sem skerpt var á nokkrum atriðum. Helgi Sigurðsson gaf kost á sér til áframhaldandi formennsku og aðrir í stjórn gerðu það líka, þ.e. Kolbrún Marvía Passaro, Laufey Kristín Skúladóttir, Magnús Helgason og Þórunn Ingvadóttir.
Þá voru íþróttagreinarnar júdó og bogfimi jafnframt samþykktar sem sérstakar deildir undir Tindastól en samkvæmt upplýsingum frá stjórn félagsins hafa þær hingað til verið undir hatti almenningsíþróttadeildar. „Það hafa komið að máli við aðalstjórn nokkrar konur sem hafa áhuga um að stofna fimleikadeild undir nafni Tindastóls. Aðalstjórn á eftir að skoða það mál, en vonandi getur orðið af því,“ sagði Magnús í samtali við Feyki. 
Þá veitti formaður UMF Tindastóls Skúla Jónssyni starfsbikarinn sem Ómar Bragi Stefánsson gaf félaginu á 100 ára afmæli félagsins. Skúli hefur í mörg ár starfað fyrir félagið á ýmsum vettvangi. Hann hefur unnið gott og ósérhlífið starf fyrir knattspyrnudeild Tindastóls.
Það voru veittar viðurkenningar til þeirra sem hlutu tilnefningu sem íþróttamaður Tindastóls 2015, þ.e:
- Knattspyrnudeild - Bjarki Már Árnason og Sunna Björk Atladóttir
- Skíðadeild - Birna María Sigurðardóttir
- Frjálsíþróttadeild - Þóranna Ósk Sigurjónsdóttir
- Júdódeild - Þorgrímur Svavar Runólfsson
- Körfuknattleiksdeild – Ingvi Rafn Ingvarsson og Alexandra Ósk Guðjónsdóttir
- Sunddeild – Rannveig Sigrún Stefánsdóttir og Hallmundur Ingi Hilmarsson
Þá voru veittir fjórir styrkir úr minningarjóði um Rúnar Inga Björnsson en þá hlutu:
- Pétur Rúnar Birgisson vegna þátttöku í landsliðsverkefnum
- Þóranna Ósk Sigurjónsdóttir vegna frjálsíþróttaverkefna
- 3.flokkur karla í knattspyrnu vegna utanlandsferðar
- Frjálsíþróttadeild vegna kostnaðar þjálfara frjálsíþróttadeildar vegna æfingarferðar til Bandaríkjanna vorið 2016
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.