Jóhanna María úr Tindastól Íslandsmeistari í júdó
Þann 21. maí síðastliðinn fór Íslandsmeistaramót yngri flokka í júdó fram hjá júdódeild Ármanns í Reykjavík. Þar var keppt í aldursflokkunum U13, U15, U18 og U21. Þátttakendur voru alls 57 talsins eða 49 drengir en aðeins átta stúlkur.
Júdódeild Tindastóls mætti með einn þátttakanda í flokki U13, -36 kg, Jóhönnu Maríu Grétarsdóttur Noack. Því miður urðu nokkrir efnilegir júdóiðkendur Tindastóls að hætta við þátttöku vegna fyrirvaralítilla og síendurtekinna frestana mótsins sem gerði alla skipulagningu þátttakenda mjög erfiða.
Enginn stúlka var í þyngdar- og aldursflokki Jóhönnu Maríu og var hún því færð í flokk U13 -38 kg drengja. Flokkurinn samanstóð af þremur keppendum sem hver um sig glímdi tvær viðureignir.
Í fyrri viðureign sinni atti Jóhanna María kappi við Hlyn Davíðsson frá Selfossi. Hún glímdi taktískt og vann með waza ari skori í venjulegum glímutíma. Í seinni viðureigninni var mótherjinn Hróar Dagbjartsson, einnig frá Selfossi, og fór sú glíma í framlengingu því eftir tveggja mínútna venjulegan glímutíma var staðan jöfn. Í framlengingu vinnur sá sem skorar fyrr stig, svokallað gullskor, og því var mikilvægt að halda haus og ná að nýta síðustu orkuna á sem bestan hátt. Eftir tæpar fjórar mínútur tókst Jóhönnu Maríu að næla í waza ari og þar með var Íslandsmeistaratitillinn í höfn. Nýkrýndi Íslandsmeistarinn ásamt þjálfara og stuðningsmönnum gátu því slakað á og notið þess sem eftir lifði móts.
Júdódeild Tindastóls vonast til að senda fleiri iðkendur til keppni á Íslandsmeistaramót næsta árs enda mjög efnilegir og hæfileikaríkir júdóiðkendur í æfingahópnum.
Hin sænska Elvira Dragemark, sem starfaði áður sem þjálfari júdódeildar Tindastóls á vorönn 2021, mun vera með júdónámskeið á Sauðárkóki í júlí í sumar og hún mun einnig vera júdódeildinni innan handar næsta vetur. Það er mjög ánægjulegt að svo reyndur og öflugur þjálfari skuli geta starfað með júdódeild Tindastóls fram á næsta vor.
/Annika Noack
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.