Ítrekuðu kröfu um byggðakvóta og takmörkun á dragnótaveiðum
Aðalfundur Drangeyjar – smábátafélags Skagafjarðar var haldinn 11. september síðastliðinn. Samþykktu fundarmenn tíu ályktanir og meðal annars var ítrekuð krafa um takmörkun á dragnótaveiðum á Skagafirði í samræmi við fyrra fyrirkomulag veiðanna, þ.e. að svæðinu innan línu úr Ásnefi í vestri í Þórðarhöfða/Kögur í austri verði lokað fyrir veiðum með dragnót. Þá leggur Drangey áherslu á að byggðakvóta í Skagafirði verði einungis úthlutað dagróðrabáta sem eru minni en 30 brt.
Í sömu ályktun er þess krafist að aldrei verði meira en 20% af byggðakvóta á Sauðárkróki úthlutað til hvers útgerðarfyrirtækis. „Verði vinnsluskyldu í heimabyggð á mótframlagi byggðakvótans krafist verði tryggt að markaðsverð greiðist fyrir landaðan afla,“ segir í ályktuninn.
Þá skorar Drangey á hafnaryfirvöld að bæta sem fyrst aðstæður til að taka upp báta á svæðinu norðan smábátahafnarinnar á Sauðárkróki. Þá óskar félagið eftir því að öryggisvöktun við smábátahöfnina verði aukin með fjölgun öryggismyndavéla og bættri lýsingu við hana.
Einnig fagnar aðalfundur Drangeyjar góðri þjónustu og aðstöðu Fiskmarkaðs Sauðárkróks sem opnaði vorið 2023.
Aðrar ályktanir fundarins voru eftirfarandi:
- Aðalfundur Drangeyjar - smábátafélags Skagafjarðar mótmælir harðlega ítrekaðri stöðvun strandveiða í júlí. Skorar félagið á stjórnvöld að fara að lögum um þessar veiðar og að þær séu leyfðar tiltekinn dagafjölda á mánuði í fjóra mánuði þ.e. maí, júní, júlí og ágúst. Með því verði jafnræði tryggt milli útgerða og veiðisvæða umhverfis landið, auk þess sem þessar veiðar verði fyrirsjáanlegar fyrir sjómenn, fiskkaupendur og aðra sem hafa af þeim atvinnu.
- Aðalfundur Drangeyjar skorar á stjórnvöld að gera strandveiðar óháðar aflamarkskerfinu og koma þannig að nokkru til móts við álit mannréttindanefndar SÞ frá árinu 2007.
- Aðalfundur Drangeyjar-smábátafélags Skagafjarðar telur ljóst að vísindalegar forsendur veiðiráðgjafar Hafrannsóknastofnunar í öllum fiskitegundum hafa engan veginn staðist og skýringar stofnunarinnar ótrúverðugar og án viðunandi rökstuðnings. Styður félagið framkomnar hugmyndir um eflingu rannsókna á lífríki hafsins og samspili nytjastofna þess og einnig að rannsóknir og ráðgjöf verði aðskilin.
- Aðalfundur Drangeyjar hvetur stjórnvöld til að draga úr heimildum til togveiða á grunnslóð umhverfis landið, enda samræmist það alþjóðlegri stefnu um aukin verndarsvæði í hafi. Þá skorar félagið á stjórnvöld að endurskoða heimildir til veiða með dragnót upp í fjörur víða um land.
- Aðalfundur Drangeyjar leggur áherslu á að línuívilnun verði ekki skert enda hún forsenda fyrir útgerð smærri línubáta.
- Aðalfundur Drangeyjar – smábátafélag Skagafjarðar krefst þess að flotvörpuveiðum á Íslandsmiðum verði tafarlaust hætt enda vel þekkt að mikill meðafli, ekki síst grásleppuseiði og aðrar tegundir smáfiskjar, kemur í veiðarfærið.
Fleiri fréttir
-
Fulltrúar ferðaskrifstofa heimsóttu Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.09.2024 kl. 08.08Á vef SSNV er sagt frá því að í síðustu viku hafi starfsfólk nokkurra ferðaskrifstofa frá Reykjavík, alls níu manns, verið á ferð um Norðurland vestra. Ferðalagið, sem var skipulagt í samstarfi við Markaðsstofu Norðurlands, stóð í tvo daga og heppnaðist einstaklega vel.Meira -
Frítt í landsbyggðarstrætó á bíllausa daginn
feykir.is Skagafjörður, Austur-Húnavatnssýsla, Vestur-Húnavatnssýsla 18.09.2024 kl. 15.03Vegagerðin tekur virkan þátt í Evrópsku samgönguvikunni, meðal annars með því að hafa frítt í landsbyggðarstrætó á bíllausa daginn, sunnudaginn 22. september. Á netsíðu Vegagerðarinnar segir að borgir og bæir á Íslandi hafi tekið þátt í Evrópsku samgönguvikunni frá árinu 2002. Samgönguvikan er samstillt átak sveitarfélaga í Evrópu sem er ætlað að ýta undir sjálfbærar samgöngur.Meira -
Skólafólk nestaði sig inn í nýtt skólaár
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 18.09.2024 kl. 15.01Haustþing Kennarasambands Norðurlands vestra fór fram í Miðgarði í Varmahlíð þann 30. ágúst síðastliðinn. Formaður KSNV er Álfhildur Leifsdóttir kennari við Árskóla á Sauðárkróki og hún féllst á að svara nokkrum spurningum Feykis um þingið og eitt og annað tengt skólamálum.Meira -
Hefur sennilega aldrei slegið garð foreldranna jafn oft
feykir.is Austur-Húnavatnssýsla, Íþróttir, Vestur-Húnavatnssýsla 18.09.2024 kl. 13.43Feykir heyrði síðast hljóðið í Ingva Rafni Ingvarssyni, þjálfara Kormáks/Hvatar í 2. deildinni í knattspyrnu þegar um sex umferðir voru eftir af mótinu. Þá stóðu Húnvetningar ansi vel, voru í áttunda sæti með 18 stig og virtust nokkuð öruggir með sætið í deildinni. Ingvi Rafn vonaðist eftir sex stigum í næstu tveimur leikjum og það átti að fara langt með að tryggja sætið. Liðið vann ekki einn einasta leik frá þeim tíma en slapp við fall í síðustu umferðinni þar sem KF náði ekki að vinna sinn leik.Meira -
Stundum líður manni eins og við séum að spila berfætt á grýttum malarvelli
feykir.is Austur-Húnavatnssýsla, Mannlíf 18.09.2024 kl. 10.44„Framundan er árleg vinna við fjárhagsáætlun sem á sér fastan sess í dagatali sveitarfélagsins. Sameining við Skagabyggð er nýlega formfest og nú er hafin vinna við að sameina fjáhag sveitarfélaganna en þau verða gerð upp sem eitt á þessu ári,“ segir Pétur Bergþór Arason, sveitarstjóri Húnabyggðar, þegar Feykir gabbar hann í að svara nokkrum spurningum tengdum Húnabyggð. Sveitarfélagið Húnabyggð varð til við sameiningu Blönduóss og Húnavatnshrepps sumarið 2022 og Pétur því fyrsti sveitarstjórinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.