Í dag er 80 ára lýðveldisafmæli Íslands
Í dag, 17. júní, eru 80 ár liðin frá stofnun lýðveldisins og af því tilefni eru hátíðarhöld um allt land. Ekki láta íbúar á Norðurlandi vestra deigan síga í þeim efnum en vegleg dagskrá er á Sauðárkróki, Blönduósi og Hvammstanga í tilefni dagsins. Feykir óskar Íslendingum nær og fjær til hamingju með daginn.
Viðamikil dagskrá er í Húnabyggð sem hefst kl. 11 í félagsheimilinu á Blönduósi en þar mun fjallkonan, Vilborg Líndal nýstúdent frá FNV, flytja ljóð, sveitastjórinn, Pétur Arason, flytur ávarp og Hugrún Lilja Pétursdóttir, Guðrún Tinna Rúnarsdóttir og Olga María Rúnarsdóttir verða með tónlistaratriði. Skrúðgangan fer svo frá félagsheimilinu að Húnaskóla kl. 13:30 og þar verður mikið fjölskyldufjör. Teymt verður undir hjá börnum, hoppukastali, andlitsmálning, Skralli trúður verður á svæðinu, vítaspyrnukeppni, kastleikir og sápurennibraut, ef veður leyfir. Nánari dagskrá má finna á Facebook-síðu Húnabyggðar.
Í Skagafirði verður hátíðar- og skemmtidagskrá á Sauðárkróki í tilefni af þjóðhátíðardegi Íslands. Í ár eru allir hvattir til að byrja daginn á hjólreiðatúr kl. 11 og vonandi sjást vel skreytt hjól á ferðinni. Skrúðgangan fer frá Safnahúsi Skagafjarðar við Faxatorgið kl. 13:30 en Skátarnir verða mættir kl. 12:30 til að bjóða upp á andlitsmálun fyrir yngri kynslóðina og verða þeir einnig með blöðrur og vinmyllur til sölu. Skrúðgangan leiðir okkur svo að Árskólalóðinni, nánar tiltekið sunnan við íþróttahúsið á lóð Árskóla, á Karnivalstemmningu, en þar mun Ómar Bragi Stefánsson halda hátíðarræðu, fjallkonan Lydía Einarsdóttir flytur ljóð, Karlakórinn Heimir tekur nokkur lög, hoppukastalar, leikir og fjör, teymt undir börn, skátarnir verða með andlitsmálningu og söluvarning, hvolpasveitin mætir ásamt ýmsu öðru skemmtilegu. Nánari dagskrá má finna á Facebokk-síðu Skagafjarðar en einnig má geta þess að götukörfuboltamót verður á vellinum við Árskóla frá kl. 15 og er ennþá hægt að skrá sig til leiks.
Hér fyrir neðan er einnig hægt að sjá nánari dagskrá hjá Húnabyggð og Skagafirði.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.