Hyggjast endurbyggja Málmeyjarhúsið í nýja miðbænum á Selfossi

feykir.is Skagafjörður, Listir og menning 27.10.2022 kl. 13.50 oli@feykir.is
„Málmeyjarhúsið 25. júní 1931. Hér er húsið 6 ára gamalt og í sínu besta standi. Hluti gamla bæjarins stendur enn ofan við og fjósbyggingin komin norðan undir. Búið er að draga fána að húni, líklega í tilefni myndatökunnar eða komu Arthurs Gook sem hefur gætt þess að útvarpsstöngin nyti sín á myndinni, enda upphaflega reist 1928 vegna útvarpsstöðvar hans. Þessi stöng virðist ætla að standa í heila öld og er enn árið 2020, það eina sem upp úr gnæfir á bæjarstæðinu. Einn fóstursonurinn er við stöngina en annar við húsgaflinn og líklega er það Gísli Konráðsson meðeigandi í Málmey sem ber við loft á myndinni. Hrúgaldið sunnan við húsið og grindverkið mun vera bænhústóftin og mótar vel fyrir bænhúsgarðinum í hálfhring utan um hana,“ segir Hjalti Pálsson, Byggðasöguritari, í myndatexta. MYND ÚR X. BINDI BYGGÐASGÖU SKAGFIRÐINGA
„Málmeyjarhúsið 25. júní 1931. Hér er húsið 6 ára gamalt og í sínu besta standi. Hluti gamla bæjarins stendur enn ofan við og fjósbyggingin komin norðan undir. Búið er að draga fána að húni, líklega í tilefni myndatökunnar eða komu Arthurs Gook sem hefur gætt þess að útvarpsstöngin nyti sín á myndinni, enda upphaflega reist 1928 vegna útvarpsstöðvar hans. Þessi stöng virðist ætla að standa í heila öld og er enn árið 2020, það eina sem upp úr gnæfir á bæjarstæðinu. Einn fóstursonurinn er við stöngina en annar við húsgaflinn og líklega er það Gísli Konráðsson meðeigandi í Málmey sem ber við loft á myndinni. Hrúgaldið sunnan við húsið og grindverkið mun vera bænhústóftin og mótar vel fyrir bænhúsgarðinum í hálfhring utan um hana,“ segir Hjalti Pálsson, Byggðasöguritari, í myndatexta. MYND ÚR X. BINDI BYGGÐASGÖU SKAGFIRÐINGA

Nýr miðbæjarkjarni á Selfossi var opnaður á síðasta ári og hefur vakið mikla athygli og gleður augað þó ekki hafi kannski allir verið á eitt sáttir um framkvæmdina. Nú á dögunum var boðað til íbúafundar sunnan heiða þar sem nýr áfangi í byggingu miðbæjar Selfoss var kynntur. Áætlað er að 40 ný hús muni fylla annan áfanga verkefnisins og er hugmyndin að um endurbyggingar af sögulegum húsum verði að ræða, víðsvegar að af landinu. Þar með talið Málmeyjarhúsið, gullfallegt hús sem stóð í Málmey á Skagafirði en brann um miðja síðustu öld.

Meðal annarra þekktra húsa sem Selfyssingar hyggjast endurbyggja eru Sýslumannshúsið í Stykkishólmi, Fell á Ísafirði, gamla Selfossbíó, Evangerverksmiðjan á Siglufirði, Konsúlanthúsið í Vestmannaeyjum, Syndikatið í Reykjavík, hinn upprunalegi Tryggvaskáli og Addabúð á Selfossi. Áætlaður kostnaður við uppbygginguna er á bilinu 13-14 milljarðar en stefnt er á að hefja framkvæmdir á vordögum, reiknað er með að framkvæmdir taki þrjú ár. Mögulega gæti komið til íbúakosningar um þessi áform.

Málmeyjarhúsið

Fjallað var um byggð í Málmey á Skagafirði í síðasta bindi Byggðasögu Skagfirðinga og þar er sagt frá timburhúsinu veglega sem byggt var 1925, tveggja hæða með steinsteyptum kjallara. „Það var eitthvert íburðarmesta íbúðarhús í sveitum Skagafjarðar þegar það var reist. Allstór verönd var aðútidyrum hússins og svalir yfir á efri hæð, skreyttar pílárum og renndum súlum en ljónamyndir ofan á vindskeiðum. Frans Jónatansson og Jóhanna Gunnarsdóttir létu byggja húsið og fluttu inn í það sama ár en Jón H. Árnason frá Kambi var yfirsmiður. Húsið eyðilagðist í eldsvoða daginn fyrir Þorláksmessu árið 1951...“ segir í Byggðasögunni.

Bráðsnjallt hjá þeim Sunnlendingum því margur verður eflaust forvitinn að sjá hvernig til tekst með endurbyggingar á forvitnlegum og sögufrægum húsum úr sinni heimabyggð.

- - - - - 
Heimildir: Dagskráin Selfossi, Byggðasaga Skagafjarðar

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Sigríður, Bjarki og Álfhildur. MYND AÐSEND

    Tækifærin í Norðvesturkjördæmi

    feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45 gunnhildur@feykir.is
    Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.
    Meira
  • María Rut Kristinsdóttir oddviti Viðreisnar í Norðvesturkjördæmi. MYND AÐSEND

    Ég vil vera sterkur málsvari fyrir ykkur

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17 gunnhildur@feykir.is
    Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...
    Meira

  • Geymt en ekki gleymt | Leiðari 45. tbl. Feykis

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02 oli@feykir.is
    Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.
    Meira
  • Lilja Rafney, Flokki fólksins. MYND AÐSEND

    Flokkur fólksins vill efla byggð um land allt! | Lilja Rafney Magnúsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08 oli@feykir.is
    Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.
    Meira
  • Kristófer Már Maronsson skipar 5. sæti á lista Sjálfstæðisflokksins. AÐSEND MYND

    Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51 oli@feykir.is
    Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.
    Meira
Yfirlit frétta