Húsvíkingar kvöddu Hvammstanga með stigin þrjú í farteskinu
Það var leikið á Sjávarborgarvelli á Hvammstanga í gærkvöldi í 2. deild Íslandsmótsins – mögulega í fyrsta skipti. Það voru vaskir Völsungar sem mættu til leiks gegn heimamönnum í Kormáki/Hvöt. Húsvíkingar hafa jafnan haft á að skipa góðu fótboltaliði og þeir reyndust sterkari aðilinn í þetta skiptið og skiluðu sér heim á Húsavík með þrjú dýrmæt stig í pokahorninu. Lokatölur 1-3.
Bæði lið áttu sénsa á upphafsmínútunum. Mark var réttilega dæmt af gestunum sökum rangstæðu en í kjölfarið fengu heimamenn dauðafæri sem ekki nýttust. Lið Völsungs náði síðan forystunni á 34. mínútu en þá skallaði Juan Hermida boltann í markið eftir góða sókn. Á Hvammstanga eru menn fljótir að kvitta fyrir sig og það gerði Kristinn Bjarni fimm mínútum eftir mark gestanna, slapp inn fyrir vörnin og skoraði af öryggi. Húsvíkingar voru meira með boltann fram að hléi en Goran var þó nálægt því að koma heimamönnum yfir með góðri aukaspyrnu. Jafnt í hálfleik.
Völsungur lék með vindinn í bakið í síðari hálfleik og þeir héldu áfram að halda vel í boltann en þó án þess að skapa sér færi. Heimamenn vildu fá víti þegar þeir töldu brotið á Kristni en uppskáru aðeins hornspyrnu. Á 80. mínútu fengu gestirnir hornspyrnu og Inigo Arruti skallaði boltann í markið og sjö mínútum síðar tryggði Steinþór Þorsteinsson Völsungi sigurinn en hann renndi boltanum í netið eftir að Uros í marki Kormáks/Hvatar hafði slegið boltann út í teiginn. Heimildir Feykis herma að Uros hafi blindast af sólinni sem skín víst sem fyrr extra sterkt í Húnaþingi – og reyndar í Húnabyggð líka.
Húsvíkingar stálu því að þessu sinni nokkrum sólargeislum úr Húnaþingi og styrktu stöðu sína í toppbaráttunni. Keppni í 2. deildinni er ansi jöfn og einn sigur getur lagað stöðu liðs töluvert. Húsvíkingar eru nú í þriðja sæti með 16 stig en lið Kormáks/Hvatar í sjöunda sæti með 11 stig þegar tveir leikir af sex hafa verið leiknir í níundu umferð. Það getur því margt breyst eftir leiki dagsins í dag.
Fleiri fréttir
-
Nýtt starf menningar- og tómstundafulltrúa Skagastrandar
feykir.is Austur-Húnavatnssýsla 01.07.2024 kl. 16.16Húnahornið segir frá því að sveitarfélagið Skagaströnd hafi í hyggju að búa til nýtt starf menningar- og tómstundafulltrúa samhliða skipulagsbreytingum vegna starfsemi tómstundastarfs aldraðra og félagsmiðstöðvarinnar Undirheima.Meira -
Aðför að smábátaútgerð á Sauðárkróki | Magnús Jónsson skrifar
feykir.is Skagafjörður, Aðsendar greinar 01.07.2024 kl. 14.55„Það veldur undrun félagsmanna Drangeyjar að eitt stærsta útgerðarfélag landsins með um 21.000 þorskígildistonna aflaheimildir skuli ásælast 140 tonna byggðakvóta sem á liðnum árum hefur að mestu leyti farið til útgerða smábáta á Sauðárkróki,” segir m.a. í pistli sem Magnús Jónsson, formaður Drangeyjar – smábátafélags Skagafjarðar skrifar.Meira -
Fyllt grísalund og Oreo ostakaka
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 30.06.2024 kl. 12.46Matgæðingar vikunnar eru Gestur Sigurjónsson, kennari í Árskóla, og Erna Nielsen, bókari hjá RH endurskoðun. Gestur og Erna búa á Skagfirðingabraut ásamt fjórum af sex börnum þeirra. Kristu Sól (21), Sigurjóni Elís (10), Brynju (7) og Freyju (7) og hundinum Kappa (2).Meira -
Rabb-a-babb 227: Hrund Péturs
feykir.is Skagafjörður, Rabb-a-babb 30.06.2024 kl. 11.36Króksarinn Hrund Pétursdóttir er fædd á því herrans ári 1981 en það ár var Gísli Rúnar Jónsson leikstjóri Áramótaskaupsins sem kannski er helst minnisstætt fyrir þá sök að það var í fyrsta sinn sem þeir Dolli og Doddi brölluðu saman. Fyrsta Indiana Jones bíómyndin, Raiders of the Lost Ark, kom á tjaldið þetta ár sem og Bond-myndin For Your Eyes Only. Já og líka The Incredible Shrinking Woman með Lily Tomlin og Charles Grodin í aðalhlutverkum en myndin fjallaði um konu sem minnkaði og minnkaði í kjölfarið á efnaskiptum í förðunarefnunum sem hún notaði. Sennilega ekki byggð á sannri sögu.Meira -
Bitlausir Stólar máttu sætta sig við jafntefli
feykir.is Skagafjörður, Íþróttir 30.06.2024 kl. 10.45Tindastóll tók á móti liði Hafnfirðingum í liði KÁ í gærdag í brakandi blíðu á Sauðárkróksvelli. Leikurinn var frekar bragðdaufur lengi vel en hiti færðist í kolin þegar leið að leikslokum en heimamönnum tókst ekki að knýja fram sigur þrátt fyrir nokkra pressu. Kom þar helst til hálf neyðarlegt bitleysi fyrir framan markið en Stólunum virðist algjörlega fyrirmunað að næla sér í eldheitan framherja. Lokatölur 1-1.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.