Hústaka á Sauðárkróki
Þorsteinn Baldursson, íbúi við Sæmundargötu á Sauðárkróki, segir farir sínar ekki sléttar en hann lenti í óvæntu skaki þegar hann ætlaði að afhenda hús sitt nýjum eiganda – hústökumaður neitar nefnilega að yfirgefa húsið.
Forsaga málsins er sú að Þorsteinn bauð fyrir ári síðan erlendum manni, sem bjó við hrörlegar aðstæður á Sauðárkróki, að búa í hluta af húsi sínu ásamt því að nýta sér alla aðstöðu hússins gegn vægu gjaldi eða þangað til hann fyndi sér annan stað til að búa á. Til stóð að selja húsið og lítið að frétta í þeim efnum framan af þangað til nú í júní þegar húsið var selt.
Maðurinn var upplýstur um gang mála áður en tilvonandi kaupendur mættu til að skoða og eins þegar gengið hafði verið frá sölu og til stóð að afhenta húsið þrem mánuðum frá sölu þess. Maðurinn gerði ekkert í því að verða sér út um annað húsnæði, sem var umsamið frá því Þorsteinn bauð honum herbergið í upphafi.
Nú neitar maðurinn að fara. Þorsteinn sagði Feyki að hann hafi haft samband við félagsmálayfirvöld á Sauðárkróki, lögreglu og fasteignasala og fékk allsstaðar sömu svör – enginn gat aðhafst neitt í stöðunni. Í gær greip Þorsteinn til sinna ráða og skipti um sílinder í húsinu.
Hann segir manninn í raun vera kominn með sig í gíslingu, hann hafi ekkert sýnt honum annað en góðmennsku og stuðning er nú sé hann orðinn hústökumaður því hann neiti að yfirgefa húsið. Þorsteinn byrjaði í gær að henda út ruslinu sem manninum fylgdi svo hann gæti afhent nýjum eigendum húsið en þá hringdi maðurinn á lögregluna sem stöðvaði Þorstein við að koma manninum út úr húsinu sem hann er búinn að selja.
Það er því óhætt að segja að Þorsteinn sé í frekar vonlausri stöðu og eina sem honum hefur verið bent á að gera er að finna sér lögfræðing til að aðstoða sig við að koma manninum út.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.