Húnvetningar styrkja hópinn
Lið Kormáks/Hvatar hefur spilað fjóra leiki í Lengjubikarnum og á einn leik eftir sem fara átti fram um síðustu helgi á Greifavellinum á Akureyri en var frestað. Í þeim fjórum leikjum sem búnir eru hefur liðið krækt í tvö jafntefli en tapað tveimur leikjum og er því á botni 4 riðils í B-deild keppninnar.
Báðir tapleikirnir enduðu 3-0, fyrst gegn Magna og nú síðast á móti liði KFA en báðir voru leikirnir spilaðir í Boganum á Akureyri. Húnvetningarnir gerðu 2-2 jafntefli gegn Völsungi á PCC-vellinum á Húsavík og sömuleiðis 2-2 jafntefli í leik gegn KF (Fjallabyggð) á Króknum.
Lið Kormáks/Hvatar er enn að sanka að sér leikmönnum fyrir sumarið í 2. deildinni en fyrsti leikur liðsins fer fram laugardaginn 4. maí á Selfossi.
Í síðustu viku bættu Húnvetningar við sig miðverðinum Sérgio Francisco Uolú - Serginho sem er frá Portúgal. „Kappinn er tæpir 190 sentímetrar frá jörðu, stór og stæðilegur brimbrjótur sem mikils er vænst af. Hann lék í fyrra nokkra leiki með Þrótti frá Reykjavík í Lengjudeildinni, en hefur áður leikið í heimalandinu og í 3. deild Noregs. Serginho er mikill íþróttamaður, snöggur og snar, ásamt því að vera tæknilega sinnaður í sinni nálgun á leikinn fagra. Bjóðum hann velkominn í bleikt og hlökkum til að sjá hann á velli!“ segir í frétt á Aðdáendasíðunni góðu.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.