Humar, skötuselur og guðdómleg súkkulaðikaka
Fyrstu vikuna í september 2008 voru það Ingólfur Arnarson og Kristín Jónsdóttir á Sauðárkróki sem buðu lesendum Feykis upp á gómsæta rétti. Þau völdu hráefnið úr sjónum að þessu sinni og eftirrétturinn var guðdómlegur.
- Humar með eplarjómasósu.
- 500 gr skelflettur humar
- 50 gr smjör
Sósa
- 2 stk gul epli
- 2 stk skarlottlaukar
- 1 dsl hvítvín
- 1 ½ dsl rjómi
- 1 tsk dijon sinnep
- ½ teningur fiskikraftur
- salt og pipar
- sósujafnari
Sósan er löguð áður en humarinn er steiktur. Saxið laukinn og steikið hann glæran í olíu á pönnu(ekki brúna). Bætið hvítvíni og rjóma saman við og sjóðið við vægan hita í 5 mín., þykkið ögn með sósujafnara, bragðbætið með fiskikrafti, salti og pipar og sinnepi.
- Afhýðið og kjarnhreinsið eplin, skerið þau smátt. Bræðið smjörið á pönnu og steikið humarinn ásamt eplunum í 1-2 mín. Hellið sósunni á pönnuna og látið hitna saman. Passið að það sjóði ekki svo að humarinn verði ekki seigur. Setjið á diska og skreytið með sítrónu og tómatstrimlum. Berið ristað brauð og stökkt salat fram með.
Skötuselur í kryddhjúp
- 800 gr skötuselur
- 10 msk maisenamjöl
- 2 tsk milt karrý
- 2 tsk paprika
- 2 tsk engifer
- 4 tsk púðursykur
- 5-6 rif saxaður hvítlaukur
- 2 stk egg
- 4 msk ólífuolía
- 4 msk sojaolía
- 12 cl pilsner (má nota vatn)
Hreinsið skötuselinn og skerið niður í ca 2cm bita. Þerrið fiskinn vel og veltið bitunum upp úr hveiti, setjið síðan í kryddhjúpinn og látið hjúpast vel. Fiskurinn er steiktur á pönnu í olíu í ca. 3 mín. á hvorri hlið eða þar til hann er orðinn gullinn. Passið bara að steikja hann ekki of lengi þá verður hann þurr. Kryddað með salti og nýmöluðum pipar. Það er einnig mjög gott að djúpsteikja hann.
Creme fraiche sósa með skötusel
- 1 ds sýrður rjómi 18%
- 3 msk súrar gúrkur (smátt saxaðar)
- 2 msk púrrulaukur (smátt saxaður)
- 2 rif hvítlaukur (smátt saxaður)
- 1 msk sætt sinnep
- 2 tsk mable síróp
- ¼ tsk svartur pipar
Öllu hrært saman og látið standa í kæli í minnst klukkutíma. Gott að bera fram með stökku blaðsalati, hvítlauksbrauði og hrísgrjónum. Ekki skemmir að hafa gott kælt hvítvín með
Guðdómleg súkkulaði kaka
- Þessi klikkar ekki
- 2 dl sykur
- 4 egg
- 200 gr súkkulaði
- 200 gr smjör
- 1 dl hveiti
Krem
- 200 gr súkkulaði
- 70 gr smjör
- 2 msk síróp
- Sykur og egg eru þeytt saman og súkkulaði og smjör brætt saman í potti eða í skál í örbylgjuofni.
- Súkkulaðiblöndunni bætt úti eggjablönduna og síðan hveitinu bætt í.Sett í smurt eldfastmót og bakað í 30-35 mín við 180-200 C.
- Kremið er einfaldlega brætt og smurt yfir kökuna volga. Borðað volgt með jarðaberjum og rjóma eða ís .
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.