Hugmyndir um nýja leið til og frá Sauðárkróki
Feykir sendi Sigfúsi Inga Sigfússyni, sveitarstjóra Skagafjarðar, fyrirspurn varðandi mögulega nýja tengingu til Sauðárkróks um Þverárfjallsveg. Hann segir rétt að forsvarsmenn sveitarfélagsins telji að með vaxandi umsvifum fyrirtækja á Eyrarsvæðinu með tilheyrandi umferð vinnuvéla og stærri tækja sem þvera veginn oft á tíðum, sé heppilegt til framtíðar að almenn umferð einkabíla fara aðra leið til og frá Sauðárkróki.
Hann segir hugmyndir hafa komið upp um nýtt hringtorg sunnan Kjarnans og nýja vegtengingu þaðan til vesturs og yfir á Þverárfjallsveg. „Sú tenging gæti jafnframt þjónað íbúðabyggð á Nöfum í framtíðinni. Þessar hugmyndir eru á frumstigi,“ segir Sigfús Ingi.
Samkvæmt upplýsingum Feykis hefur hringtorg enn ekki verið hannað sérstaklega en sjá má frumdrög að hringtorgi sunnan Kjarnans og vestan smábátahafnarinnar á skipulagsuppdrætti hafnarsvæðisins á Sauðárkróki sem fylgir hér fréttinni. Þar má sjá skjáskot af hluta þess uppdráttar sem sýnir m.a. fimm arma hringtorg.
Sigfús Ingi segir að malarnámurnar í Gönguskörðum séu unnar í þessa átt og haft gæti opnast á komandi árum og vegurinn þá væntanlega legið um það og upp á Nafirnar.
Má þá reikna með að mörg ár séu þangað til þessar framkvæmdir hefjist? „Já, einhver tími að minnsta kosti. Vegagerðin fer með Þverárfjallsveginn/Strandveginn þannig að þessar hugmyndir þurfa að vera samþykktar þar og fjármagnaðar. Samgönguyfirvöld sjá hins vegar vandann sem orðinn er gagnvart umferðaröryggi við mjög vaxandi umsvif á hafnarsvæðinu og starfssvæði Steinullar, Vörumiðlunar, Steypustöðvar og Eyrarinnar,“ segir Sigfús Ingi að lokum
Fleiri fréttir
-
30 milljónir settar í undirbúning fyrir Fljótagöng
feykir.is Skagafjörður 16.09.2024 kl. 09.23Stjórnvöld hafa ákveðið að flýta rannsóknum fyrir jarðgöng úr Fljótum og til Siglufjarðar og er nú stefnt að því að borun fyrir jarðgöng geti hafist árið 2026. Þrjátíu milljónum verður varið í að undirbúa gerð jarðganga úr Skagafirði í Fjallabyggð sem myndi leysa af hólmi veg um Almenninga en hann hefur farið illa í veðrum og jarðhreyfingum undanfarin ár og er talinn hættulegur vegfarendum.Meira -
Kormákur/Hvöt hélt sæti sínu í 2. deild þrátt fyrir tap í lokaumferðinni
feykir.is Austur-Húnavatnssýsla, Íþróttir, Vestur-Húnavatnssýsla 15.09.2024 kl. 19.07Það var hart barist í síðustu umferð 2. deildarinnar í tuðrusparkinu í gær. Hvorki hafði gengið né rekið hjá Kormáki/Hvöt í síðustu leikjum og útlitið ekki verulega gott fyrir lokaleikinn; erfiður andstæðingur í Ólafsvík á meðan lið KF spilaði heima á Ólafsfirði gegn Hetti/Huginn sem hafði tapað fimm leikjum í röð og virtust hættir þetta sumarið. Það eina sem spilaði með Húnvetningum var að þeir höfðu stigi meira en lið KF fyrir síðustu umferðina og það reyndist heldur betur mikilvægt þar sem bæði lið töpuðu og bættu því ekki við stigasafnið. Kormákur/Hvöt náði því í raun þeim frábæra árangri að halda sæti sínu í 2. deild og það voru víst ekki margir sem veðjuðu á það fyrir mót.Meira -
Stólastúlkum mistókst að stela sjöunda sætinu af Stjörnunni
feykir.is Skagafjörður, Íþróttir 15.09.2024 kl. 18.57Stólastúlkur spiluðu síðasta leik sinn í Bestu deildinni þetta sumarið í gær þegar þær heimsóttu Stjörnuna í Garðabæinn í úrslitakeppni neðri liða. Bæði lið voru örugg með sitt sæti í deildinni en Donni vildi sjá sitt lið sækja til sigurs og ræna sjöunda sætinu af Stjörnunni og vinna Forsetabikarinn. Tindastóll þurfti að vinna leikinn með þriggja marka mun til þess að svo gæti orðið en það hafðist ekki í þetta skiptið. Lokatölur 2-1 fyrir Stjörnuna.Meira -
Yrði mjög spenntur ef von væri á nýrri bók eftir Hannes Pétursson
feykir.is Skagafjörður, Listir og menning, Lokað efni 15.09.2024 kl. 12.35Það dugar ekki að slugsa með Bók-haldið og að þessu sinni er það skáldið góða, Gyrðir Elíasson, sem segir lesendum Feykis frá sambandi sínu við bækur, fyrr og nú. Gyrðir er fæddur í Reykjavík árið 1961 en ólst upp á Hólmagrund 8 á Sauðárkróki. Hann er giftur og á þrjár dætur, starfar sem rithöfundur og myndlistamaður. Þessa dagana er hann að vinna að bók með þýðingum á ljóðum norska skáldsins Olav H. Hauge.Meira -
Byrjaði aftur á fullu þegar ömmustrákurinn fæddist
feykir.is Skagafjörður, Austur-Húnavatnssýsla, Lokað efni, Handverk 14.09.2024 kl. 11.41Hulda Björg er fædd og uppalin á Króknum og býr í Barmahlíðinni. Hulda og Konni maðurinn hennar eiga fimm börn og eitt barnabarn. Hulda starfar sem starfsmannastjóri hjá FISK Seafood.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.