Horft til framtíðar - Leiðari Feykis
Þá er það ljóst að Skagfirðingar eru sameinaðir í eitt sveitarfélag eftir kosningar helgarinnar og Húnvetningar til hálfs í Austursýslunni. Margir vilja meina að hér hafi verið stigið stórt framfaraskref fyrir viðkomandi samfélög íbúum öllum til heilla. Aðrir eru efins og óttast að þeirra hlutur muni skerðast í stærra sveitarfélagi.
Ég þykist skynja það hjá þeim sem voru á móti sameiningu, í minni sveitarfélögunum, að þeir óttist að verða afskiptir í stóru samfélagi sem eigi helst eftir að beina kröftum sínum að þéttbýlinu. Var meira að segja nefnt á íbúafundi í Héðinsminni að hætta væri á að Akrahreppur endi sem jaðarbyggð líkt og Árneshreppur. Það yrði ekki gott enda Blönduhlíðin ein fallegast hlíð í heimi.
Sumir hafa áhyggjur af upprekstrarmálum og fjallskilanefndum og sjá ekki hvernig miðlæg stjórn í þéttbýli hafi þá sýn á upprekstrarmál og afréttargirðingar sem nauðsynlegt er. Ég veit líka að sumir óttast fjarlægðina frá Blönduósi og fram í dali sem gæti hæglega orðið til þess að sjálfsögð þjónusta skerðist í sparnaðarskyni. Hvernig verður sorpmálum háttað? Hvað verður um skólann eða félagsheimilið?
Í aðdraganda kosninganna var það upplýst að í Sveitarfélaginu Skagafirði væru fleiri fulltrúar nefnda og stjórna úr dreifbýlinu heldur en af Króknum og bent á að ekki mætti rugla saman fólkinu sem í þeim sitja og staðnum þar sem stjórnsýslan er til húsa.
Nú reynir á nýjar sveitarstjórnir í vor að sýna fram á það að þær geti sinnt þessum málum af ábyrgð og festu og flestir í sveitarfélaginu séu a.m.k. þokkalega sáttir en einnig reynir á íbúa að taka ábyrgð og bjóða sig fram til starfa fyrir sveitarfélagið sitt. Til þess að hafa áhrif er vænlegasta leiðin að taka þátt í umræðunni á vitrænan hátt annað hvort með því að vera virkur í starfi sveitarfélaganna eða á þeim listum sem boðnir eru fram. Gott er að taka samtalið við fulltrúa listanna, segja frá og hlusta. Látum Facebook eiga sig ef við erum reið!
Það er eins með þann ágæta miðil og brennivínið sem getur breytt okkur í svín ef það er misnotað. Láttu ekki Feisbúkk breyta þér húmbúkk! (Úff, þessi er slakur!) Þá er maður búinn að tapa sannfæringunni og fólk hættir að taka mark á manni.
Réttið upp hönd sem kannast við þetta!
Góðar stundir!
Páll Friðriksson
Fleiri fréttir
-
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira -
Spenntir nemendur Höfðaskóla tóku viðtal við Herra Hnetusmjör
feykir.is Austur-Húnavatnssýsla, Mannlíf, Lokað efni 29.11.2024 kl. 12.11Nemendur í valgreininni skólablað í Höfðaskóla á Skagastrond eru að leggja lokahönd á blaðið sem á að koma út fyrir jólin eða svo segir í frétt á vefsíðu skólans. Í blaðinu verða ýmis viðtöl og var stóri draumurinn að fá að taka viðtal við Herra Hnetusmjör sem flestir, ef ekki allir lesendur Feykis, ættu að hafa heyrt um, enda kappinn einn alvinsælasti tónlistarmaður landsins og fer nú á kostum með félögum sínum í IceGuys.Meira -
Ykkar fulltrúar | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 10.53Kjördagur er á morgun og lokasprettur í kosningabaráttunni er hafinn. Við frambjóðendur Samfylkingarinnar í Norðvestur höfum verið á ferð og flugi um kjördæmið, fengið að kynnast fjölmörgum íbúum og fyrirtækjum í bland við gamla kunningja. Fyrir hönd okkar vil ég þakka öllum sem hafið tekið á móti okkur, boðið okkur spjall, nestað okkur með góðum hugmyndum og leyft okkur að heyra um áskoranir í daglegu lífi. Þessi samtöl gefa okkur kjark og orku að berjast fyrir hagsmunum kjördæmisins.Meira -
Rökkurganga í Glaumbæ 1. desember
feykir.is Skagafjörður, Listir og menning, Lokað efni 29.11.2024 kl. 10.21Starfsfólk Byggðasafns Skagfirðinga skellir sér í sauðskinnsskóna – eða kuldaskóna – á sunnudaginn 1. desember og býður gestum að njóta samveru í rökkrinu í gamla bænum í Glaumbæ. „Andrúmsloftið í bænum verður eins og við jólaundirbúning um 1900,“ segir í tilkynningu frá safninu.Meira -
Við þorum að taka ákvarðanir | Gunnar Bragi Sveinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 09.41Kjördæmið okkar hefur verið afskipt um of langan tíma um leið og tækifærin eru um allt. Við þurfum að fá að nýta þessi tækifæri og fá til þess stuðning þar sem við á.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.