Holtavörðuheiðin opin á ný eftir lokun vegna vatnavaxta
Töluvert vatnsveður og ekki hvað síst hlýindi hafa haft áhrif á færð nú síðasta sólarhringinn. Þannig má merkja á umferðarkorti Vegagerðarinnar að loka þurfti Holtavörðuheiðinni í nótt þar sem ræsi stíflaðist og bjarga þurfti ferðalöngum eftir að bílar þeirra fóru á kaf við Kattarhrygg. Þá er Vatnsnesvegur að vestanverðu ófær þar sem mikið efni hefur runnið úr veginum. Aðrir vegir eru nú færir og var Holtavörðuheiði opnuð fyrir umferð rétt í þessu.
Samlvæmt frétt á mbl.is var mikið vatn á veginum við Kattarhrygg á leið upp á Holtavörðuheiðina sunnanverða. Ef marka má mynd sem fylgir fréttinni hafa bílarnir borist út fyrir veg og voru komnir á kaf þegar björgunarsveitarmenn bar að garði. Komst fólkið upp á þak bíla sinna þar sem það beið aðstoðar.
Björgunarsveitarmaður reyndi að komast að bílunum en varð að synda með línu þar sem hann botnaði ekki utan vegar í flóðinu. Tókst björgunin giftusamlega og um hálf sex í morgun voru ferðalangarnir komnir í sjúkrabíl til aðhlynningar.
Áfram er spáð hlýindum fram á morgundaginn og töluverðum sunnanvindi. Þannig skellir Veðurstofan á gulri veðurviðvörun á Norðurland vestra og Strandir frá því um kvöldmatarleytið í dag og fram undir morgun. Það lægri síðan og kólnar og má reikna með snjókomu um hádegi, síðan styttir upp og veður styllt en nokkuð kalt hér á Norðurlandi vestra fram yfir helgi.
Fleiri fréttir
-
Ásta Ólöf með 21% atkvæða
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.01.2025 kl. 13.40Feykir stóð fyrir vali á Manni ársins á Norðulandi vestra núna í upphafi nýs árs og lauk kosningu á hádegi mánudaginn 13. Janúar sl. Valið stóð á milli átta aðila og var hægt að kjósa á feykir.is eða senda inn atkvæði, og alls voru það rétt tæplega 1000 manns sem tóku þátt og kusu og að þessu sinni var mjótt á munum, ólíkt því sem var í fyrra þegar Karólína í Hvammshlíð fékk 47% atkvæða.Meira -
Ferðaþjónustufólk kemur saman | Aðalheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.01.2025 kl. 11.40Í upphafi hvers árs er mikið um að vera hjá ferðaþjónustufólki sem kemur saman til að ráðfæra sig við hvert annað, finna nýjar hugmyndir og skapa verðmæti. Mannamót Markaðsstofa landshlutanna er haldið í Kópavogi og samhliða því er heil vika af spenn...Meira -
Hermann kom, sá og sigraði
feykir.is Skagafjörður, Íþróttir, Lokað efni 15.01.2025 kl. 11.32Það er alltaf líf og fjör í kringum Pílukastfélag Skagafjarðar og þar er mikill metnaður fyrir því að kynna galdur pílunnar fyrir áhugasömum, ungum sem eldri. Á Facebook-síðu PKS er sagt frá því að í gær hélt félagið mót fyrir krakka í 1.-5. bekk og var um að ræða fyrsta mótið sem félagið heldur eingöngu fyrir börn. Ágætis mæting var en ellefu krakkar úr 3.-5. bekk mættu til leiks.Meira -
Húsin í bænum - Styrkveiting úr Sóknaráætlun Norðurlands vestra
feykir.is Vestur-Húnavatnssýsla 15.01.2025 kl. 09.26Húnaþing vestra hefur hlotið styrk úr Uppbyggingarsjóði Norðurlands vestra til verkefnisins Húsin í bænum. Þetta kemur fram á vef Húnaþings.Verkefnið gengur út á að setja upp allt að 10 upplýsingaskilti um sögu valinna húsa í elsta hluta Hvammstanga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.