Hólahátíð er dagana 17.-18. ágúst
Árleg Hólahátíð er nú um helgina á Hólum í Hjaltadal og að venju er dagskráin fjölbreytt. Megindagskráin er á sunnudag en hátíðarmessa hefst í Hóladómkirku kl. 14:00. Þar mun Agnes M. Sigurðardóttir biskup prédika og kveðja Hólastifti. Hátíðarsamkoma hefst kl. 16:00 í Hóladómkirkju en þar er ræðumaður Áslaug Arna Sigurbjörnsdóttir háskóla-, iðnaðar- og nýsköpunarráðherra.
Á laugardag hefjast hátíðarhöld á Pílagrímagöngu úr Svarfaðardal heim til Hóla. Rúta fer frá Hólum kl. 8.00 og lagt verður af stað frá Atlastöðum kl.10.00. Göngustjóri: Sr. Þorgrímur Daníelsson. Pílagrímaganga upp í Gvendarskál. Lagt af stað frá Hólum kl. 14.00. Göngustjóri Karl Lúðvíksson. Skráning í síma 893-7838. Helgistund í Hóladómkirkju kl. 18.30 þar sem tekið verður á móti pílagrím-um og skírnarinnar minnst. Kvöldverður á Kaffi Hólum.
Dagskrá sunnudag 18. ágúst
Kl. 10:00
Tíðargjörð í Hóladómkirkju.
Kl. 11:00
Orgeltónleikar í Hóladómkirkju. Dr. Vidas Pinkevicius og dr. Ausra Motuzaite-Pinkeviciene, alþjóðlegir konsertorganistar og kennarar við Háskólann í Vilníus í Litháen, leika á orgel kirkjunnar.
Kl. 14:00
Hátíðarmessa í Hóladómkirkju þar sem Agnes M. Sigurðardóttir biskup Íslands prédikar og kveður Hólastifti. Sr. Gísli Gunnarsson vígslubiskup á Hólum, sr. Kristján Björnsson, vígslubiskup í Skálholti og sr. Guðrún Karls Helgudóttur, nýkjörin verðandi biskup Íslands, þjóna fyrir altari. Skagfirski kammerkórinn og Kirkjukór Hóladómkirkju syngja. Organisti er Jóhann Bjarnason.
Kl. 15:15
Veislukaffi – Kaffi Hólar.
Kl. 16:10
Hátíðarsamkoma í Hóladómkirkju. Ræðumaður er Áslaug Arna Sigurbjörnsdóttir, háskóla-, iðnaðar- og nýsköpunarráðherra. Tónlist flytja Berglind Stefánsdóttir og Sigurgeir Agnarsson.
Tónleikar dagana fyrir Hólahátíð
Þá minnir Gísli Gunnarsson vígslubiskup á Hólum á orgel-tónleika í aðdraganda Hólahátíðar en Dr. Ausra og dr. Vidas munu einnig vera með orgeltónleika á vegum vígslubiskupsembættisins í Blönduóskirkju þriðjudaginn 13. ágúst kl. 13.00 og í Akureyrarkirkju miðvikudaginn 14. ágúst kl. 20.00. Þá verða einnig tónleikar í Hóladómkirkju 14. ágúst kl. 20.00 en þar mun þýskur stúlknakór, Pfälzische Kurr-ende, syngja undir stjórn Carola Bischoff.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.