Höfðingleg gjöf á sjúkrahúsið til minningar um móður skáldsins
Á dögunum mættu galvaskar konur úr Kvenfélagi Sauðárkróks á heilbrigðisstofnun Norðurlands á Sauðárkróki til þess að afhenda formlega gjöf til minningar um Sigríði Sigtryggsdóttur, móður Hannesar Péturssonar, skálds.
Sigurdríf Jónatansdóttir, fráfarandi formaður félagsins, afhenti Kristrúnu Snjólfsdóttur, yfirhjúkrunarfræðingi, gjafarbréf sem staðfesti gjöfina og sagði aðdraganda vera á þá leið að Hannes hefði haft samband við hana og viljað minnast móður sinnar með smá gjöf til Kvenfélagsins, ef þar væri sjóður sem sjúkrahúsið gæti nýtt.
Sigurdríf sagði að það væri vel hugsanlegt og úr varð að Hannes bað um reikningsupplýsingar þar sem hann ætlaði að leggja inn smá upphæð. Sigurdríf segir að þessi upphæð hafi svo reynst vera mun hærri en „smá“ þar sem ein milljón króna kom inn á reikninginn. Lýsti hún því svo hvernig stjórnin hefði fengið sjokk þegar þetta rann upp fyrir henni. Í kjölfarið var haft samband við stjórnendur sjúkrahússins og ákveðið að þar á bæ yrði fundið út í hvað fjármunirnir væru best nýttir.
„Þetta var í fyrsta lagi sólarhrings blóðþrýstingsmælir, sem tilheyrir heilsugæslunni, og það sem því fylgir, og er mikið notað,“ sagði Kristrún þegar hún veitti gjafarbréfinu viðtöku.
„Svo aftur á móti var einnig keyptur lífsmarkamælir á sjúkradeild, sem mælir blóðþrýsting, hita og mettun og svo skanni sem flýtir fyrir skráningu í sjúkraskrárkerfið,“ útskýrði Kristrún og sagði skannann, sem notaður er til að nema strikamerki á armböndum sjúklinga, spara mikinn tíma við skráningar og auka öryggi. Þakkaði hún höfðinglega gjöf og sagði öll tækin eiga eftir að nýtast mjög vel í framtíðinni.
Fleiri fréttir
-
Góður dagur hjá Ísponica á Hofsósi
feykir.is Skagafjörður, Mannlíf 05.07.2024 kl. 15.11Nú á laugardaginn var haldin opnunarveisla Ísponica í frystihúsinu gamla við Norðurbraut á Hofsósi. Veðrið lék við gesti og gangandi á Hofsósi og meira að segja forvitinn hvalur kíkti í heimsókn – eða þannig. Á staðnum var markaður þar sem hægt var að næla sér í bæði vörur og matarkyns. Boðið var upp á leiki fyrir krakka og tónlistaratriði.Meira -
Flóabardagi í Vatnsdalshólum | Listsýning í Listakoti Dóru
feykir.is Austur-Húnavatnssýsla, Listir og menning 05.07.2024 kl. 14.58Á morgun, laugardaginn 6. júlí kl. 13:00, opnar Dóra Sigurðardóttir áhugaverða sýningu í galleríi sínu, Listakot Dóru, á jörð sinni á Vatnsdalshólum í Húnavatnssýslu, aðeins tvo kílómetra suður af Hringveginum. Sýningin sækir innblástur frá nágrenninu og í Flóabardaga, einn af frægustu bardögum Sturlungaaldar og einu sjóorrustuna sem háð hefur verið við Íslandsstrendur þar sem Íslendingar skipuðu bæði lið.Meira -
Samningar framlengdir við Fab Lab-smiðjurnar á Íslandi um þrjú ár
feykir.is Skagafjörður, Austur-Húnavatnssýsla, Vestur-Húnavatnssýsla 05.07.2024 kl. 13.55Á heimasíðu Stjórnarráðsins segir að Áslaug Arna Sigurbjörnsdóttir, háskóla-, iðnaðar- og nýsköpunarráðherra, og Ásmundur Einar Daðason, mennta- og barnamálaráðherra, hafi ákveðið að framlengja samninga ráðuneytanna við Fab Lab-smiðjurnar á Íslandi um þrjú ár. Samhliða verða framlögin hækkuð um samtals 91 m.kr. á samningstímabilinu, eða úr 324 m.kr. í 415 m.kr. á næstu þremur árum.Meira -
„Það mæta margar stjörnur til leiks og allir bestu knaparnir“ | Þórarinn Eymundsson í viðtali
feykir.is Skagafjörður, Hestar, Mannlíf, Lokað efni 05.07.2024 kl. 12.43Nú er hafið 25. Landsmót hestamanna en það fer fram á félagssvæði Fáks í Víðidal í Reykjavík. Mótið, sem hófst nú mánudaginn 1. júlí og lýkur sunnudaginn 7. júlí, er haldið í sameiningu af tveim stærstu hestamannafélögum landsins, Hestamannafélaginu Fáki og Hestamannafélaginu Spretti. Setning Landsmótsins verður á fimmtudagskvöldið og í framhaldi af því fara leikar að æsast en reikna má með um 7.500 gestum á mótið. Af þessu tilefni þótti Feyki rétt að narra einn þekktasta hestamann þjóðarinnar, Þórarinn Eymundsson, heimsmeistara, tamningamann og reiðkennara á Hólum, í örlítið spjall en segja má að hann sé uppalinn á Landsmótssvæðinu á Vindheimamelum í Skagafirði.Meira -
Í hamingjunnar bænum | Leiðari 25. tölublaðs Feykis
feykir.is Aðsendar greinar 05.07.2024 kl. 11.19Hamingjan er pínu milli tannanna á fólki þessa dagana eftir að í ljós kom í íbúakönnun landshlutanna að Skagfirðingar, ásamt íbúum á Snæfellsnesi og á Héraði, eru öðrum Íslendingum hamingjusamari að meðaltali. Þegar þessi íbúakönnun er skoðuð má einnig sjá að það er talsverður munur á hamingju fólks eftir því hvort það býr í Skagafirði eða Húnavatnssýslum. Hvernig má það vera?Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.