Helvítis illgresið! | Leiðari 28. tölublaðs Feykis
Þegar veður er gott þá langar mig ekkert meira en að fara upp í bústað og beint í drullugallann. Það tekur mig nefnilega ekki nema 15 mínútur að keyra þangað en dagarnir til að sýsla í þessu hafa ekki verið margir í ár og garðurinn því eftir því – allur út í illgresi.
Mikil órækt var í garðinum og í kringum búastaðinn þegar við keyptum hann fyrir tveimur árum og því nokkuð ljóst að mikil vinna væri fram undan í honum. Þá sagði mamma að þetta væri svona fimm ára verkefni. Lítið gerðist fyrsta sumarið því við fengum hann afhentan í byrjun september en ég náði að vinna mikið í honum í fyrra. En í ár finnst mér ekkert hafa gerst nema að ég hef ekki undan við að slá því sprettan er svo góð.
Áður en fjárfest var í þessum herlegheitum þá voru puttarnir mínir alls ekki grænir og ég hafði engan áhuga á þessu, skildi ekki hvernig mamma nennti að standa í þessu allt sumarið alla þá daga sem færi gafst. Í hvert skipti sem við fórum til Akureyrar eða Reykjavíkur þá þurfti alltaf að koma við í þessum blómagarðbúðum sem mér fannst hreinlega vera waste of time eða algjör tímaeyðsla. En í dag skil ég hana og hleyp á milli til að skoða hvort ég sjái eitthvað skemmtilegt til að setja í garðinn, hvort sem það eru blóm eða styttur. Fyndið hvernig þetta breytist þegar maður eignast sinn eigin garð og langar að gera hann fínan. Að vísu get ég nú ekki sagt að ég sé komin með græna fingur þegar ég þekki valla muninn á illgresi og öðrum plöntum.
Í garðinum eru nefnilega nokkrar plöntur sem eru að gera mig vitlausa; fífill, valmúi, njóli, haugarfi, elfting og eitthvað sem ég veit ekki hvað heitir. Ríf upp með rótum það sem ég get en ég má ekki snúa mér við þá er þetta komið upp aftur! En einhver vitur með mjög græna fingur sagði að það væri löng vegferð að losna við þennan fjanda. Ég hef samt mikla trú á því að mér takist þetta einn daginn þar sem ég er með mikla þolinmæði. Er þá ekki gott að vera bjartsýnismanneskja líka!
Mér fannst Rabarbarahátíðin, sem fram fór nýlega á Blönduósi, svo sniðug því það er hægt að gera heilmargt úr honum ef hann er ekki nýttur í sultu. Væri ekki tilvalið að Skagafjörður setji upp hátíð til að fagna illgresinu og öllu því sem hægt er að gera úr því, því það er svo margt. Hvað finnst ykkur?
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.