HEITASTA GJÖFIN - „Kaffiboð af bestu gerð og pottþétt boðið upp á sígó líka“
Steindór Árnason trillukall er fæddur á Króknum og átti heima á Reykjum á Reykjaströnd fyrstu æviárin. Steindór býr núna í gamla læknishúsinu í Skógargötunni á Króknum ásamt henni Jónu sinni. Steindór var til í að rifja upp fermingardaginn.
Hvar og hvenær fermdist þú? Fermdist í Sauðárkrókskirkju árið1975. Og klerkurinn hét Tómas Sveinsson ef ég man rétt.
Manstu eftir fermingunni sjálfri og fermingarfræðslunni? Minningarnar frá deginum og fermingarfræðslunni eru nú aðeins farnar að rykfalla, en finnst eins og það hafi ekki verið mjög mikill spenningur fyrir að mæta í þetta en það þurfti samt að gera. Held ég hafi lært þarna trúarjátninguna t.d. og kann enn, undarlegt en satt.
Hvernig var fermingardressið og hárgreiðslan? Fermingardessið var að sjálfsögðu í takt við tískustrauma þess tíma. Múnderingin var fjólublár fínn flauelsjakki, ljósar buxur, hvít skyrta með einhvers konar rauðum doppum og þykkbotna, marglitir skór með háum hæl, já og svo risastór þverslaufa. Hárgreiðslan var önnur en ég nota í dag.
Hvar var fermingarveislan haldin? Veislan var heima.
Hvað bauðstu upp á í fermingarveislunni? Kaffiboð af bestu gerð og pottþétt boðið upp á sígó líka.
Hver var heitasta gjöfin á þeim tíma? Mikið af gjöfum, hljómtækjasamstæða, hellingur af pening og fleira.
Hvað stóð upp úr á fermingardaginn sjálfan? Mér finnst ekki ólíklegt að mesti spenningur dagsins hafi verið fyrir gjöfunum, en viðurkenni það samt alls ekki.
Ef þú ættir að fermast í dag, hvernig dress yrði fyrir valinu og hver væri óskagjöfin? Ef ég væri að fara að fermast núna þá myndi ég klæða mig öðruvísi, samt ekki viss hvernig. Svo væri líklega lágmarkskrafa að fara fram á Iphone síma eða álíka.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.