Heimabakað brauð
Heimabakað brauð er ekki bara gott heldur er það líka ódýrt. Hér koma nokkrar góðar brauðuppskriftir
Gulrótabrauð
300 g gulrætur
2 msk perluger
500 ml ylvolgt vatn
2 msk hunang
3 msk ólífuolía
2-3 tsk salt
50 g heslihnetuflögur (má sleppa)
8-900 g hveiti, helst brauðhveiti
Gulræturnar skafnar eða afhýddar og rifnar fremur gróft. Gerið leyst upp í
volgu vatninu ásamt 1 tsk af hunanginu. Þegar það freyðir er afganginum af
hunanginu hrært saman við ásamt olíu, salti, hnetum og helmingnum af
hveitinu. Rifnu gulrótunum hrært saman við og síðan meira hveiti smátt og
smátt, þar til deigið er hnoðunarhæft og klessist ekki við hendurnar að ráði
en er þó fremur lint. Hnoðað mjög vel. Sett í hveitistráða skál, viskastykki
eða plast breitt yfir og látið lyfta sér í a.m.k. 1 klst, eða þar til það
hefur tvöfaldast. Þá er það slegið niður og hnoðað lauslega og síðan skipt í
tvennt og mótað í tvö aflöng brauð sem sett eru á pappírsklædda bökunarplötu
og látin lyfta sér í um hálftíma. Ofninn hitaður í 210 gráður. Skáskorur
skornar í brauðin með beittum hníf og þau pensluð með mjólk eða vatni
(einnig mætti strá 1 msk af heslihnetuflögum á annað brauðið eða bæði) og
síðan bökuð í um hálftíma, eða þar til þau hafa lyft sér vel og tekið góðan
lit. Látin kólna á grind áður en þau eru skorin.
Gómsætt bananabrauð
Þetta brauð er einfalt og fljótlegt að baka en það bragðast afar vel með miklu smjöri. Þarna notum við líka "ónýta banana" í stað þess að henda þeim. Alltaf að spara.
1 og ¾ bolli hveiti
1 teskeið matarsódi
½ teskeið salt
125 g smjör
1 bolli sykur
1 egg
3 þroskaðir bananar
Bananar maukaðir og öllu blandað saman.
Bakað við 170 gráður þar til brauðið er fallega brúnt.
Speltbrauð
3 bollar gróft speltmjöl
2 bollar fínt speltmjöl
5 tesk. vínsteinsduft (fæst í heilsubúðum)
1 matsk. hlynsíróp
1 matsk. ólífuolía
1-2 tesk. sjávarsalt
1 egg
2 bollar sojamjólk eða vatn
1. Settu öll þurrefnin í hrærivélarskál.
2. Blandaðu vökvanum saman við og hrærðu þar til deigið er orðið nokkuð blautt en þó enn þykkt.
3. Settu deigið í smurt form. Bakaðu við 175º C í blástursofni - 190º C í venjulegum ofni - í ca. 60 mínútur.
Fleiri fréttir
-
Haustfundur Heimilisiðnaðarsafnsins
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 11.05Hinn árlegi haustfyrirlestur Heimilisiðnaðarsafnsins verður haldinn laugardaginn 26. október nk. kl. 14:00 og að þessu sinni er það Jón Torfason, sagnfræðingur sem mun flytja fyrirlestur um fatnað íslensks almúgafólks á 18. og 19. öld.Meira -
Ugla Stefanía hlutskörpust í prófkjöri Pírata í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 09.49Píratar hafa skipað sína framboðslista að afloknu prófkjöri. Í Norðvesturkjördæmi var það Ugla Stefanía Kristjönudóttir Jónsdóttir sem bar sigur úr býtum og leiðir því lista Pírata í komandi kosningum. Ugla Stefanía er frá Stóra-Búrfelli í Austur-Húnavatnssýslu en hún er kynjafræðingur og sérfræðingur í málefnum hinsegin fólks.Meira -
Bleiki dagurinn er í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 09.45Á Bleika deginum hvetjum við alla til að vera bleik - fyrir okkur öll, bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein og aðstandendur þeirra finni stuðning okkar og samstöðu.Meira -
Málþing um torfarfinn í Kakalaskála
feykir.is Skagafjörður, Listir og menning 23.10.2024 kl. 09.03Byggðasafn Skagfirðinga stendur fyrir málþingi um torfarfinn í Kakalaskála í Skagafirði þann 8. nóvember næstkomandi, frá kl. 11–15. Þingið er tileinkað Sigríði Sigurðardóttur, Sirrí í Glaumbæ, fyrrverandi safnstjóra Byggðasafns Skagfirðinga, í tilefni af stórafmæli hennar en hún varð sjötug á dögunum. Fjallað verður um torfarfinn frá ýmsum hliðum á málþinginu.Meira -
Álfhildur fer fyrir lista VG í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 08.33Framboðslisti Vinstri grænna í Norðvesturkjördæmi var samþykktur á kjördæmisráðsfundi hreyfingarinnar í Norðvesturkjördæmi í gærkvöldi. Eins og greint var frá í síðustu viku hafði oddviti VG í kjördæmi, Bjarni Jónsson, sagt skilið við flokkinn og því ljóst að nýr oddviti færi fyrir lista VG. Það kom svo í ljós í gær að það er Álfhildur Leifsdóttir, kennari og sveitarstjórnarmaður í Skagafirði, sem leiðir listann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.