Hefur hitað upp fyrir margar helstu hljómsveitir landsins
Sævari Níelssyni ellilífeyrisþega er margt til lista lagt. Þessi síðustu misserin hefur hann mest snúið sér alfarið að áhugamáli sínu sem er pennasöfnun en hann á nú yfir 2335 mismunandi penna. Þá hefur hann einnig safnað upptökurum. En það sem fáir vita og er athyglisvert er að Sævar hefur hitað upp fyrir flestar sveitaballagrúppur landsins. Dreifarinn hafði samband við Sævar.
Segðu mér Sævar, hversu margar hljómsveitir hefurðu hitað upp fyrir? -Ég veit það nú ekki blessaður vertu, ég hef ekkert verið að telja þetta neitt.
En gætirðu ekki skotið á einhverja tölu? -Njaaa, varla, þetta eru svo mörg skipti sem ég þurfti að standa í þessu.
Þetta hafa nú varla verið meira en 20-30 hljómsveitir sem hafa verið á þessum sveitaballarúnti hér áður fyrr? -Neeee, kannski ekki. En ég þekkti svo sem ekkert þessar hljómsveitir eða þetta fólk sem kom þarna í félagsheimilið, þetta bara fylgdi starfinu þarna í Húnaveri.
Það hefur varla verið viðtekin venja að húsverðir væru að hita upp fyrir helstu skemmtikrafta landsins? -Njaaa, kannski ekki yfir sumarið en á veturna þurfti ég að standa í þessu nánast í hvert sinn.
Af hverju frekar yfir vetrartímann Sævar? -Af hverju? Nú það var kuldinn vinur minn, þeim var alltaf svo kalt þessum tónlistarmönnum að ég varð alltaf að koma og kynda vel. Hita svolítið vel upp fyrir þá svo þeir gætu nú eitthvað spilað blessaðir.
Já þú meinar, þannig að þú hefur ekkert verið að spila og syngja sjálfur? -Ég? Neeee, hvernig datt þér það nú í hug vinur? Neinei, ég bara opnaði húsið, hleypti þeim í sjoppuna og skrúfaði upp í miðstöðinni og svona. Þetta var ekkert flókið en svolítil viðvera eins og gengur. En ég kvarta svo sem ekkert.
Fleiri fréttir
-
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.