Haraldur Ægir með Karolinafund - söfnun vegna útgáfu á vínylplötunni Tango For One
Fyrr í þessum mánuði hratt húnvetnski tónlistarmaðurinn Haraldur Ægir Guðmundsson af stað Karolinafund/söfnun upp í framleiðslu á vinyl plötu með nýrri eigin tónlist. Á Facebook-síðu sinni greinir Haraldur frá því að Andrés Þór gítarleikari og Matthías Hemstock hafi unnið tónlistina með honum en upptökum og hljóðblöndun stjórnaði Ómar Guðjónsson.
„Söfnunin fór ágætlega af stað en ennþá mjög langt í land. Mig langar til segja fólki að upphæðin er algerlega valkvæð þrátt fyrir að ég gefi upp nokkra möguleika á stuðningi, og að styrktaraðilar/þátttakendur greiða ekki neitt nema ef markiðið næst og að fjárhæðin er ekki skuldfærð fyrr en/ef markmiðinu er náð,“ segir Haraldur í færslu sinni en honum er umhugað að ná markmiði sínu enda platan mjög vel heppnuð.
„Tango For One er væntanleg vínyl plata með nýrri íslenskri latin jazz hljómsveit, Limp Kid en hana skipa Andrés Þór Gunnlaugsson á gítar, Matthías Hemstock á trommur og slagverk og Haraldur Ægir Guðmundsson á kontrabassa, sem einnig semur allt efni sveitarinnar,“ segir í kynningu á Karolinafund.
Tango for one er tíunda platan Haraldar, ef taldar eru með tvær plötur í nafni Groundfloor og aðrar sem hann hefur samið efni fyrir, að öllu leyti eins og platan Green með Clazz og Embrace plata Hörpu Þorvaldsdóttur. „Ég hef gefið út undir margvíslegum hljómsveitarnöfnum og bæði með íslenskum og erlendum listamönnum. Tango for one er þriðja platan sem kemur út á vínyl, aðrir titlar eru á CD,“ segir á Karoliafund. Öllum upptökum og hljóðvinnslu Tango for one er að fullu lokið og nú er það bara lokahnykkurinn, að framleiða tónlistina á Vínyl!
Hér fyrir neðan má heyra titillag plötunnar Tango for One. „Ég vona þið sjáið ykkur fært um að vera með,“ segir kappinn og Feykir tekur undir þær óskir.
Tengd frétt: „Dót hrundi úr hillum“ / HARALDUR ÆGIR
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.