Hálendisþjóðgarður vinstri grænna?
Umhverfisráðherra mælti í síðustu viku fyrir frumvarpi um stofnun hálendisþjóðgarðs.
Strax vakti athygli hversu mikil andstaða er við málið hjá samstarfsflokkum VG í ríkisstjórn. Almenn og vel ígrunduð andstaða er við málið hjá hagsmunaaðilum landið um kring, svo sem bændum, sveitarfélögum og fyrirtækjum sem starfa í og við fyrirhugaðan þjóðgarð svo ekki sé talað um einstaklinga og félagasamtök sem hafa áhyggjur af frjálsri för fólks um svæðið, en andstaða samstarfsflokka VG í ríkisstjórn er meiri en reiknað var með.
Formaður Framsóknarflokksins birti runu fyrirvara sem minnti helst á það þegar flokkurinn var forðum til í aðild að Evrópusambandinu, að því gefnu að Evrópusambandið aðlagaði sig Íslandi en ekki öfugt, úr því varð auðvitað ekki neitt. Þessir fyrirvarar voru settir fram nokkrum dögum eftir að þingmenn og ráðherrar sama Framsóknarflokks afgreiddu málið í gegnum ríkisstjórn og eigin þingflokk.
Á sama tíma hafa þingmenn Sjálfstæðisflokksins allt á hornum sér hvað hugmyndina varðar, nýbúnir að samþykkja í eigin þingflokki að málið gangi til þinglegrar meðferðar. Vafalaust í trausti þess að Miðflokkurinn spyrni kröftuglega við fótum.
Stuttur pistill sem þessi býður ekki upp á djúpa greiningu efnisatriða í máli sem þessu, en það verður að draga fram kjarnarökstuðninginn í málinu öllu, það er að þarna verði til STÆRSTI þjóðgarður í Evrópu og að með stofnun hans náist fram sjálfstæð ímyndar- og markaðsleg markmið. Þessi nálgun er ættuð frá Texas, þar sem allt er „stærst og best“. Hamborgararnir eru svo stórir að þú getur ekki borðað þá, kókglösin eru svo stór að þú getur ekki haldið á þeim, allt er „stærra en lífið“. Ég er ekki viss um að það séu skilaboðin sem haganlegt sé að setja fram gagnvart þeirri stórkostlegu náttúru og á köflum viðkvæmu, sem við eigum á hálendinu.
Málið er ótímabært og þeirrar gerðar að alls ekki er skynsamlegt að ana að ákvörðun. Í öllu falli er ótækt, líkt og umhverfisráðherra hefur sjálfur sagt, að afgreiða málið án þess að rammaáætlun um orkunýtingu hafi komið til meðferðar Alþingis og verið afgreidd. Sjálfur mun ég áfram tilheyra hinum „örlitla grenjandi minnihluta“ eins og Steingrímur J. Sigfússon kýs að kalla þá sem hafa efasemdir um að leggja 30% landsins undir svokallaðan hálendisþjóðgarð.
Bergþór Ólason,
þingmaður Miðflokksins í Norðvesturkjördæmi.
Fleiri fréttir
-
Verið að hnýta lausa enda á kaupum KS á B.Jensen
feykir.is Skagafjörður, Lokað efni 14.11.2024 kl. 19.39Vefsíðan Akureyri.net segir frá því að Kaupfélag Skagfirðinga sé að kaupa fjölskyldufyrirtækið B.Jensen sem rekur sláturhús, kjötvinnslu og verslun á mótum Hörgársveitar og Akureyrar. Vefurinn hefur eftir Ágústi Torfa Haukssyni, framkvæmdastjóra Kjarnafæðis - Norðlenska, sem KS keypti fyrr á árinu, að samningar liggi í raun fyrir en verið sé að hnýta lausa enda.Meira -
Atkvæðagreiðsla utan kjörfundar vegna kosninga til Alþingis 30. nóvember 2024
feykir.is Skagafjörður, Austur-Húnavatnssýsla, Vestur-Húnavatnssýsla 14.11.2024 kl. 15.02Atkvæðagreiðsla utan kjörfundar vegna kosninga til Alþingis þann 30. nóvember 2024 er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00. Hvammstanga, ráðhúsi Húnaþings vestra að Hvammstangabraut 5, Hvammstanga, mán - fimmtudaga kl. 10:00 - 14:00 og fös kl. 10:00 - 12:00. Skagaströnd, stjórnsýsluhúsi að Túnbraut 1-3, Skagaströnd, mán - fimmtudaga kl. 09:00 - 12:00 og 13:00 - 15:00, föstudaga kl. 09:00 – 12:00.Meira -
Fjórir knapar af Norðurlandi vestra í landsliðshópunum
feykir.is Skagafjörður, Íþróttir, Vestur-Húnavatnssýsla, Lokað efni 14.11.2024 kl. 13.26Landsliðsþjálfarar Íslands í hestaíþróttum hafa kynnt landsliðshópa sína fyrir komandi tímabil. Á næsta ári er stóra verkefni landsliðsins HM íslenska hestsins í Sviss. Í hópunum eru tveir fulltrúar frá hestamannafélaginu Skagfirðingi og sömuleiðis tveir frá Hestamannafélaginu Þyt í Vestur-Húnavatnssýslu.Meira -
Illviðri í kortunum og ekkert ferðaveður á morgun
feykir.is Skagafjörður, Austur-Húnavatnssýsla, Vestur-Húnavatnssýsla 14.11.2024 kl. 11.01Gul veðurviðvörun er í gildi sem stendur á Norðurlandi vestra en að þessu sinni er það nú aðallega stíf suðvestan átt sem lætur til sín taka. Viðvörunin fellur niður upp úr hádegi í dag en þegar líða tekur á daginn fer að rigna. Það lægir aðeins með kvöldinu en veður fer síðan versnandi þegar líður að hádegi á morgun, föstudag, og reiknað með stífri norðvestan átt og snjókomu þegar líður á daginn – í raun er spáð illviðri á landinu en sínu verst virðist veðrið eiga að vera austan Tröllaskaga.Meira -
Viðamikil dagskrá á Menningarkvöldi NFNV
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 14.11.2024 kl. 10.26Það stendur mikið til hjá Nemendafélagi FNV en hið rómaða Menningarkvöld verður haldið í íþróttahúsinu á Sauðárkróki annað kvöld, föstudaginn 15. nóvember. Dagskráin hefst kl. 19:15 og meðal atriða verða búningakeppni, Lip Sync-keppni, stuttmyndakeppni og síðast en ekki síst fer undankeppni Söngkeppni framhaldsskólanna fram á Menningarkvöldi en það er nýbreytni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.