Gunnar Ægis sækir um einkaleyfi á Iðnaðarmanna-appinu
Gunnar Ægisson hefur í gegnum tíðina fengið margar góðar hugmyndir, enda uppfinningamaður í frítíma sínum. Hann setti sig í samband við Dreifarann í síðustu viku til að kynna hugmynd sem hann er nú að sækja um einkaleyfi á.
Gunnar, hvað ertu nú búinn að gera? –Það er nú alveg bráðsnjallt skal ég segja þér. Þú þekkir nú hvað það getur verið strembið að ná í iðnaðarmann til að koma og gera við?
Jújú. –Já einmitt. Ég var til dæmis búinn í margar vikur að reyna að ná í pípara í vetur því það lak einhver heil ósköp hjá mér. En það gekk nú ekki vel... að ná í pípara skilurðu? Ekki það að þeir svöruðu ekki blessaðir mennirnir. Nei, nei, en svörin voru alltaf – heyrðu, ekki málið, ég ætti að geta skotist í þetta eftir um það bil 10 daga – eittvað svona. Eftir að vera búinn að fá svona svör í þrjár vikur þá hugsaði ég: Píparar! Þetta er bara píp!
Og var það þá sem þú fékkst hugmyndina? –Já, eitt lítið píp tók jóðsótt skal ég segja þér og varð að stóru fjalli, frábærri hugmynd sem á eftir að gera mig ríkann. Ég er bara að ganga frá pappírunum út af einkaleyfinu í þessum töluðu orðum.
Í hverju felst hugmyndin? –Ja, þú veist að nú eru allir, eða flestir, komnir með þessa snjallsíma og það er hægt að kaupa sér svona öpp í símana. Þannig að hugmyndin mín heitir Iðnaðarmanna-appið. Það á að virka þannig að ef þú hringir í iðnaðarmann sem svarar þér svona – ég kem eftir 10 daga eða ég kem þegar ég kemst – ef maður er semsagt óánægður með svarið, þá smellir maður á stjörnumerkið á símanum og sendir verulega óþægilegt píp-hljóð á iðnaðarmanninn á hinum endanum svo sker í eyrum. Ég kalla þetta hátíðnipípara. Já, þeir fá fyrir ferðina ef þeir lofa ekki að koma strax og gera við þessir kallar.
Og á þessu ætlarðu að græða? –Ég á sko eftir að mokgræða á þessu vinur, það er ekki spurning.
En Gunnar, þegar þú ert ekki að sinna áhugamálinu þá vinnurðu fyrir þér sem smiður, á þetta ekki eftir að bitna á þér sjálfum? –Ehe, já þú meinar. Já já, ja ég þarf náttúrlega að skoða þetta kannski eitthvað betur.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.