Gul veðurviðvörun yfir alla helgina
Það er boðið upp á gula veðurviðvörun á Vestur-, Suðvesturlandi og miðhálendinu í dag. Norðurland vestra virðist sleppa nokkuð vel en þó gæti hvesst nokkuð í Húnavatnssýslunum. Gengur í suðaustan 13-18 m/s með snjókomu eða slyddu öðru hvoru, segir í veðurspá Veðurstofunnar fyrir daginn í dag, en snýst í suðvestan 8-13 með stöku éljum í kvöld. Hiti kringum frostmark. Suðaustan 18-25 og dálítil rigning á morgun en hiti 3 til 10 stig.
Um helgina hefur Veðurstofan skellt gulri veðurviðvörun á allt landið frá kl. 17 á föstudegi og fram að miðnætti á sunnudagskvöldi. Verst virðist veðrið ætla að verða hér á Norðurlandi vestra á föstudagskvöldið og verður hvassviðri fram á miðjan dag á laugardaginn en þá er reiknað með að vindur gangi nokkuð niður.
Á laugardagsmorgni er gert ráð fyrir allt að tíu stiga hita en það kólnar þegar líður á helgina, hiti í kringum frostmark á sunnudegi og mánudegi en þá er spáð slyddu eða snjókomu.
Fleiri fréttir
-
Gagnrýni á formann fræðslunefndar tekin alvarlega
feykir.is Skagafjörður, Lokað efni 30.01.2025 kl. 16.16Oddvitar flokkanna sem mynda meirihluta sveitarstjórnar Skagafjarðar, Einar E. Einarsson (B) og Gísli Sigurðsson (D), hafa sent frá sér sameiginlega yfirlýsingu þar sem segir að sú gagnrýni sem formaður fræðslunefndar, Kristófer Már Maronsson (D) hafi fengið frá leikskólakennurum sé tekin alvarlega. Þeir hyggjast leggja fram tillögu á næsta fundi sveitarstjórnar um að aflað verði álits á því hvort hann hafi brotið gegn siðareglum kjörinna fulltrúa.Meira -
Króksblótið er um helgina
feykir.is Skagafjörður, Mannlíf 30.01.2025 kl. 15.17Tími þorrablótanna er genginn í garð eins og alkunna er. Á Sauðárkróki fer Króksblótið fram nú laugardaginn 1. febrúar og að þessu sinni er það 70 árgangurinn sem stendur fyrir blótinu sem fer fram í íþróttahúsinu.Meira -
Kynning á niðurstöðum umhverfismats á vindorkugarði í landi Sólheima
feykir.is Vestur-Húnavatnssýsla 30.01.2025 kl. 11.50Þriðjudaginn 4. febrúar klukkan 17:00 verður haldinn kynningarfundur í Félagsheimilinu á Hvammstanga þar sem niðurstöður umhverfismats á vindorkugarði í landi Sólheima í Dalabyggð verða kynntar.Meira -
Emma Katrín á sterku alþjóðlegu móti í badminton
feykir.is Skagafjörður, Íþróttir, Lokað efni 30.01.2025 kl. 10.05Um sl. helgi fór fram hið árlega RSL ICELAND INTERNATIONAL 2025 í Reykjavík en það er stærsta afreksverkefni Badmintonsambands Íslands. Á mótinu voru 247 leikmenn skráðir til leiks og voru þeir frá 35 löndum. Ísland átti 34 leikmenn skráða á mótið og var þar á meðal unga og efnilega Emma Katrín Helgadóttir frá Bandmintondeild Tindastóls og spilaði hún þar sem fulltrúi Íslands í einliðaleik kvenna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.