Grillað lambalæri og grafinn silungur. Ísbjörn á Hrauni í eftirrétt
Í upphafi sumars leituðu ísbirnir í matarkistu Skagans og það ætlum við að gera líka, sögðu þau Árni Egilsson og Þórdís Þórisdóttir á Sauðárkróki fyrir tveimur árum þegar þau voru matgæðingar Feykis. Eftirrétturinn er sérlega áhugaverður og græni Túborginn á að minna á hinn danska sérfræðing sem fluttur var inn ásamt ísbjarnabúrinu fræga.
Á Skaga er mikið af vötnum og er einfalt að ná sér í vatnableikju sem hægt er að matreiða á ýmsa vegu, t.d. að grafa. Bleikjan er flökuð og beinhreinsuð, síðan er gómsætu hunangi smurt yfir flökin og þar á eftir eru þau þakin graflaxblöndu frá Pottagöldrum. Síðast en ekki síst er sett vel af dilli yfir og fatið með flökunum sett í plastpoka og geymt í ísskáp svona tvo til þrjá sólahringa. Daginn áður en fiskurinn er tilbúinn er best að gera graflaxsósuna, en í henni er 1 dós sýrður rjómi og jafnmikið af mayonnaise, ca. 1 – 2 tsk. sterkt sinnep, góðan slurk af sætu sinnepi og síðan vel af hunangi. Þessu öllu er hrært saman og smakkað til og bragðbætt ef þurfa þykir. Þá er slatta af dilli sett út í sósuna og hún aftur smökkuð til, ágætt getur verið að krydda hana með salti og pipar.
Því næst grillum við lambið sem alið er í Skaga-heiðinni. 1 stk. lambalæri (helst að taka það úr frosti nokkrum dögum fyrir matreiðslu), gott er að taka úr því lykilbeinið, krydda það með Kød & Grill kryddi frá Knorr og pipar a.m.k. degi fyrir matreiðsluna. Grillið hitum við vel upp setjum síðan lærið öðru megin á grillið og slökkvum undir brennaranum sem er undir kjötinu. Lærið þarf að vera rúma klukkustund á grillinu, en eins og alltaf er sagt í matreiðslubókum er gott að hafa kjöthitamæli og lambakjötið er tilbúið þegar mælirinn sýnir 62°C.
Þá er komið að sósunni með kjötinu. Í henni er 1 dós sveppaostur 300 gr. og um 60 gr. rjómapiparostur, 1 teningur nautakraftur leystur upp í vatni og 1 peli rjómi, slatti af sveppum, olía, rifsberasulta, pipar og salt. Í upphafi er olía sett í pott og nokkrir sveppir, látið krauma í nokkurn tíma, síðan er osturinn settur út í og bræddur, þá er krafturinn hrærður saman við og því næst rjóminn. Bætið sultunni og sveppunum út í og smakkið til með salti og pipar.
Í lokin er það ísbjarnar-sinfónían “Ísbjörn á Hrauni”. Tekin er til stór og góð desertskál, Hraun frá Góu er mulið í botninn, síðan er eftirlætis ísinn settur þar ofan á. Næst er Æði frá Góu brytjað yfir og þar á eftir er berjum af Þverárfjalli sáldrað yfir og í lokin er sett dass af Tuborg grøn í ofanálag.
Fleiri fréttir
-
Málþing um torfarfinn í Kakalaskála
feykir.is Skagafjörður, Listir og menning 23.10.2024 kl. 09.03Byggðasafn Skagfirðinga stendur fyrir málþingi um torfarfinn í Kakalaskála í Skagafirði þann 8. nóvember næstkomandi, frá kl. 11–15. Þingið er tileinkað Sigríði Sigurðardóttur, Sirrí í Glaumbæ, fyrrverandi safnstjóra Byggðasafns Skagfirðinga, í tilefni af stórafmæli hennar en hún varð sjötug á dögunum. Fjallað verður um torfarfinn frá ýmsum hliðum á málþinginu.Meira -
Álfhildur fer fyrir lista VG í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2024 kl. 08.33Framboðslisti Vinstri grænna í Norðvesturkjördæmi var samþykktur á kjördæmisráðsfundi hreyfingarinnar í Norðvesturkjördæmi í gærkvöldi. Eins og greint var frá í síðustu viku hafði oddviti VG í kjördæmi, Bjarni Jónsson, sagt skilið við flokkinn og því ljóst að nýr oddviti færi fyrir lista VG. Það kom svo í ljós í gær að það er Álfhildur Leifsdóttir, kennari og sveitarstjórnarmaður í Skagafirði, sem leiðir listann.Meira -
Rjúpnaveiðitímabilið að hefjast
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.45Rjúpnaveiðitímabilið hefst þann 25. október 2024 nk. og er veiði heimil föstudaga til þriðjudaga (báðir dagar meðtaldir) innan veiðitímabils. Því er ekki heimilt að veiða miðvikudaga og fimmtudaga.Meira -
Kynningarfundur Target Cicurlar - áhrifaríkar sjálfbærniaðgerðir og auðveldari ákvarðanataka
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.25Verkefnið Target Circular stendur fyrir kynningarviðburði á stefnumótunaraðferð fyrir frumkvöðla og fyrirtæki á Gránu, Sauðárkróki, miðvikudaginn 23. Október og hefst viðburðurinn klukkan 10:30. Kallað er eftir þátttöku frá ráðgjöfum um allt land sem veita aðstoð til frumkvöðla og fyrirtækja.Meira -
Hver er maðurinn og hvað vill hann upp á dekk? | Björn Bjarki Þorsteinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2024 kl. 12.10Á fjölmennu kjördæmisþingi Sjálfstæðismanna sunnudaginn 20. október sl. hlaut undirritaður kosningu í 2. sæti á framboðslista Sjálfstæðisflokksins í Norðvesturkjördæmi fyrir Alþingiskosningar sem fram fara þann 30. nóvember 2024. Fyrir þann stuðning er ég afar þakklátur og mun nálgast komandi verkefni bæði af auðmýkt en ekki síður metnaði fyrir hönd kjördæmisins alls.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.