Góður sigur Stólanna á Skallagrími
Tindastóll fékk Skallagrím úr Borgarnesi í heimsókn í kvöld í 3. deildinni og var leikið við ágætar aðstæður á Króknum. Tindastóll var sterkara liðið og uppskar sanngjarnan sigur þrátt fyrir að Borgnesingar hafi verið inni í leiknum allt þar til í blálokin.
Tindastólsmenn spiluðu vel framan af leik og sköpuðu sér mörg ágæt færi sem liðið náði ekki að nýta. Markvörður Skallagríms átti nokkrar ágætar vörslur en hann var þó klaufi þegar Tindastóll loks komst yfir um miðjan fyrri hálfleik. Atli Arnarson fékk þá boltann eftir hornspyrnu og átti frekar laust skot í gegnum þvögu í teignum og nánast á mitt markið og einhvern veginn í netið. Sanngjörn staða og frekar efldust Stólarnir við þetta og Kristinn Aron átti nokkrar ágætar tilraunir en allt kom fyrir ekki. Skallagrímsmenn komust betur inn í leikinn síðustu mínútur fyrri hálfleiks og voru nálægt því að jafna metin.
Síðari hálfleikur var jafnari en sá fyrri og bæði lið hefðu með smá heppni geta skorað. Næst komust þó gestirnir sem náðu að skófla boltanum í þverslána og niður á línu eftir klafs í teignum. Siggi Donna skipti þremur ungum köppum inná þegar um 20 mínútur voru eftir af leiknum og áttu þeir allir þátt í öðru marki Stólanna sem kom skömmu fyrir leikslok. Gunnar Stefán náði að halda boltanum í spili með tæklingu, boltinn barst til Bjarna Smára sem átti fína sendingu á Guðna sem skoraði með ágætu skoti í fjærhornið. Í kjölfarið fékk einn leikmanna Skallagríms rautt spjald fyrir mótmæli. Lokastaðan 2-0 og Stólarnir búnir að tryggja sér sæti í úrslitakeppni 3. deildar þegar tveimur umferðum er enn ólokið.
Fleiri fréttir
-
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira -
Nemó FNV fer með Rocky Horror í Hof
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 19.04.2025 kl. 12.15Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.Meira -
Kjóllinn týndist á leiðinni til landsins svo þau þurftu að senda nýjan af stað
feykir.is Skagafjörður, Lokað efni 19.04.2025 kl. 09.00Dagrún Dröfn Gunnarsdóttir býr á Freyjugötunni á Sauðárkróki og verður fermd í Sauðárkrókskirkju þann 19. apríl af sr. Sigríði Gunnarsdóttur. Foreldrar hennar eru Klara Björk Stefánsdóttir og Gunnar Smári Reynaldsson. Dagrún sagði Feyki frá undirbúningnum.Meira -
„Jú mamma, ég veit að þú átt fleiri sögur í líkamanum þínum“
feykir.is Skagafjörður, Lokað efni 19.04.2025 kl. 09.00Sigrún Alda Sigfúsdóttir er fædd og uppalin í Skagafirði, örverpið í stórum barnahópi þeirra Sigfúsar og Guðrúnar í Stóru-Gröf syðri. Sigrún flutti til Reykjavíkur þegar hún var 17 ára og hefur búið þar síðan. Í dag býr hún í Mosfellsbæ ásamt fjölskyldunni sinni. Sigrún er í sambúð með Arnari Jónssyni, verkefnastjóra og eiganda fyrirtækisins Parallel. Saman eiga þau þrjú börn, Rebekku Eik sem er 7 ára og tvíburadrengina Jón Ými og Sigfús Orra sem eru 4 ára. „Við Arnar ætlum loksins eftir tíu ára samband að ganga í hjónaband í sumar og ætlum að sjálfsögðu að gera það á fallegasta staðnum, Skagafirði.“ Sigrún er talmeinafræðingur sem gaf nýverið út bók sem hugsuð er til að auka orðaforða barna í gegnum sögulestur. Feykir spjallaði við Sigrúnu um nýju bókina og lífið.Meira -
Langar í Pug-hund í fermingargjöf
feykir.is Austur-Húnavatnssýsla, Mannlíf, Lokað efni 18.04.2025 kl. 19.07Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.