Gítar og sópran í Hóladómkirkju
Nú eru sumartónleikaröðin í Hóladómkirkju rúmlega hálfnuð og enn á ný er boðið upp á frábæra listamenn, því sunnudaginn 1. ágúst 2010, kl. 14 munu Ingibjörg Guðjónsdóttir, sópransöngkona og Hannes Guðrúnarson gítarleikari koma fram. Þau flytja meðal annars íslensk þjóðlög í útsetningu Eyþórs Þorlákssonar fyrir rödd og gítar, einnig þjóðlög í útsetningu Benjamins Britten auk tónlistar eftir John Dowland, Mozart og Mario Castelnuovo-Tedesco.
Ingibjörg Guðjónsdóttir, sópran, stundaði söngnám við Tónlistarskóla Garðabæjar hjá Snæbjörgu Snæbjarnardóttir og framhaldsnám við Indiana University í Bandaríkjunum. Einnig hefur hún notið leiðsagnar hinnar frægu sópransöngkonu Ileanu Cotrubas. Ingibjörg hefur haldið fjölda einsöngstónleika, tekið þátt í óperum, tónlistarhátíðum og verið einsöngvari með sinfóníuhljómsveitum, kammersveitum og kórum bæði hér á landi og erlendis. Undanfarin ár hefur hún verið iðin við flutning samtímatónlistar og frumflutt tónverk íslenskra tónskálda, m.a. með kammersveitinni Caput.
Ingibjörg hefur gefið út tvær geislaplötur, Óperuaríur (2005) með Sinfóníuhljómsveit Íslands og Ó Ó Ingibjörg (2007) þar sem hún syngur íslensk sönglög í frumlegum búningi með bræðrum sínum, djasstónlistarmönnunum Óskari saxófónleikara og Ómari gítarleikara. Ingibjörg er stofnandi og stjórnandi Kvennakórs Garðabæjar en einnig starfar hún sem söngkennari við Tónlistarskóla Hafnarfjarðar og Tónlistarskóla Álftaness.
Hannes Guðrúnarson lauk burtfararprófi frá Tónskóla Sigursveins D. Kristinssonar vorið 1993. Hann stundaði framhaldsnám við Tónlistarháskólann í Bergen á árunum 1993-1997 og starfaði jafnframt sem kennari og tónlistarmaður í Vestur-Noregi á þeim árum. Hannes flutti til Akureyrar haustið 1997 og kenndi þar til ársins 2002 ásamt því að vera virkur tónlistarmaður. Hann lék einleikstónleika í Salnum í Kópavogi haustið 2003 og hlaut lofsamlega dóma fyrir. Árið eftir lék hann á kammertónleikum þar ásamt Elísabetu Waage o.fl. Hannes lék með Pamelu de Senzi þverflautuleikara á Isnord tónlistarhátíðinni í Borgarnesi 2005. Í nóvember 2006 kom Hannes fram á tónleikum í minningu Einars Kristjáns Einarssonar, gítarleikara.
Hannes og Ingibjörg komu fram saman á tónleikum TKTK haustið 2009.
Fleiri fréttir
-
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira -
Nemó FNV fer með Rocky Horror í Hof
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 19.04.2025 kl. 12.15Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.Meira -
Kjóllinn týndist á leiðinni til landsins svo þau þurftu að senda nýjan af stað
feykir.is Skagafjörður, Lokað efni 19.04.2025 kl. 09.00Dagrún Dröfn Gunnarsdóttir býr á Freyjugötunni á Sauðárkróki og verður fermd í Sauðárkrókskirkju þann 19. apríl af sr. Sigríði Gunnarsdóttur. Foreldrar hennar eru Klara Björk Stefánsdóttir og Gunnar Smári Reynaldsson. Dagrún sagði Feyki frá undirbúningnum.Meira -
„Jú mamma, ég veit að þú átt fleiri sögur í líkamanum þínum“
feykir.is Skagafjörður, Lokað efni 19.04.2025 kl. 09.00Sigrún Alda Sigfúsdóttir er fædd og uppalin í Skagafirði, örverpið í stórum barnahópi þeirra Sigfúsar og Guðrúnar í Stóru-Gröf syðri. Sigrún flutti til Reykjavíkur þegar hún var 17 ára og hefur búið þar síðan. Í dag býr hún í Mosfellsbæ ásamt fjölskyldunni sinni. Sigrún er í sambúð með Arnari Jónssyni, verkefnastjóra og eiganda fyrirtækisins Parallel. Saman eiga þau þrjú börn, Rebekku Eik sem er 7 ára og tvíburadrengina Jón Ými og Sigfús Orra sem eru 4 ára. „Við Arnar ætlum loksins eftir tíu ára samband að ganga í hjónaband í sumar og ætlum að sjálfsögðu að gera það á fallegasta staðnum, Skagafirði.“ Sigrún er talmeinafræðingur sem gaf nýverið út bók sem hugsuð er til að auka orðaforða barna í gegnum sögulestur. Feykir spjallaði við Sigrúnu um nýju bókina og lífið.Meira -
Langar í Pug-hund í fermingargjöf
feykir.is Austur-Húnavatnssýsla, Mannlíf, Lokað efni 18.04.2025 kl. 19.07Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.