Gísli Þór gefur út sína tíundu ljóðabók
Ljóðabókin Á vígvelli meinsins er 10. ljóðabók Gísla Þórs Ólafssonar, en hans fyrsta bók Harmonikkublús kom út árið 2006.
Í bókinni er fjallað um krabbamein sem höfundur greindist með á haustmánuðum 2024. Það er farið á dimma vegu í niðursveiflunum en einnig skrifað um samverustundir með þeim nánustu og hvernig það er að lifa lífinu meira lifandi þegar veikindi herja á. Njóta umhverfisins, lífsins, kvikmynda, lesturs og tónlistar. Og eiga stundir með fjölskyldunni og sínum nánustu. Það er því bæði grátur og gleði á síðum bókarinnar, alvarleiki og húmor.
Auk ljóðabóka Gísla hafa komið út 5 hljómplötur undir flytjandanafninu Gillon á árabilinu 2012-2022. Auk texta Gísla á áðurnefndum plötum hefur hann samið lög við ljóð Geirlaugs Magnússonar, Gyrðis Elíassonar, Ingunnar Snædal og Jóns Óskars. Á teikniborðinu er 6. hljómplata Gillons.
Gu/gí gefur út. Ljósmynd á kápu: Guðríður Helga Tryggvadóttir. Panta má eintök í netfangið gislith@simnet.is eða á Facebook síðu höfundar.
áður var ég á vígvelli ástarinnar
og á vígvelli andlegra óþæginda
vígvelli tregans
en nú er ég kominn hingað
á vígvöll krabbameins
er það endilega eitthvað meira fullorðins?
Fleiri fréttir
-
Tilkynning frá Skíðadeild Tindastóls
feykir.is Skagafjörður, Austur-Húnavatnssýsla, Vestur-Húnavatnssýsla 10.01.2025 kl. 15.26Margir hafa furðað sig á því af hverju Skíðasvæði Tindastóls sé ekki búið að opna fyrir skíðavina sína því ekki er vöntun á snjónum um þessar mundir. Rétt í þessu kom tilkynning frá formanni skíðadeildarinnar, Helgu Daníelsdóttur sem segir;Meira -
HSN tekur við rekstri hjúkrunarheimilisins Sæborgar á Skagaströnd í maí
feykir.is Skagafjörður, Austur-Húnavatnssýsla, Vestur-Húnavatnssýsla 10.01.2025 kl. 14.24Heilbrigðisstofnun Norðurlands tekur við rekstri hjúkrunarheimilisins Sæborgar á Skagaströnd frá og með 1. maí 2025. Er þetta samkvæmt ákvörðun fyrrum heilbrigðisráðherra Willums Þórs í kjölfarið á uppsögn Félags- og skólaþjónustu A-Hún bs. á samningum um rekstur heimilisins. Rekstur heimilisins hefur þyngst á undanförnum árum og verið dragbítur á rekstri þeirra sveitarfélaga sem að rekstrinum hafa staðið, segir á heimasíðu Skagastrandar.Meira -
Sara Björk Þorsteinsdóttir ráðin verkefnastjóri farsældar á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 10.01.2025 kl. 13.16Sara Björk Þorsteinsdóttir hefur verið ráðin verkefnastjóri farsældar á Norðurlandi vestra eins og fram kemur á vef SSNV.Meira -
Siggu pizza og heitur eplaréttur | Matgæðingur Feykis
feykir.is Skagafjörður, Í matinn er þetta helst, Lokað efni 10.01.2025 kl. 10.00Matgæðingur vikunnar í tbl 37, 2023, var Aðalbjörg Þorgrímsdóttir, leikskólakennari. Maðurinn hennar er Óskar Steinsson og eiga þau saman tvo syni. Aðalbjörg eða Alla eins og flestir þekkja hana undir á ættir sínar að rekja í Skagafjörðinn en er fædd í Austur Húnavatnssýslu, móður amma hennar og afi voru Ögmundur Eyþór Svavarsson og María Pétursdóttir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.