Gagnrýna frestun á útboði trygginga sveitarfélagsins
Á fundi byggðaráðs svf. Skagafjarðar í gær voru lögð fram bréf frá tryggingafélögunum Sjóvá-Almennra og Tryggingamiðstöðinni þar sem óskað er eftir skýringum og rökstuðningi fyrir ákvörðun ráðsins að afturkalla ákvörðun fyrri sveitarstjórnar að segja upp vátryggingasamningi við Vátryggingafélag Íslands.
Fyrri sveitarstjórn samþykkti á fundi sínum þann 11. mars s.l. að segja upp samkomulagi við VÍS um vátryggingar sveitarfélagsins sem verið hefur í gildi frá 3. janúar 2006 og bjóða tryggingarnar út að nýju. Var sveitarstjóra og sviðsstjóra stjórnsýslu- og fjármálasviðs falið að undirbúa nýtt útboð trygginga fyrir sveitarfélagið en ný sveitarstjórn ákvað að fresta því í óákveðinn tíma. Telur byggðarráð eðlilegt að ný sveitarstjórn fái umþóttunartíma til að meta og fara yfir vátryggingar sveitarfélagsins í heild sinni. Var það því samþykkt samhljóða á 522. fundi byggðarráðs þann 7. júlí sl. að endurnýja vátryggingasamning sveitarfélagsins við VÍS um eitt ár. Áður en kemur að uppsögn þess samnings samkvæmt ákvæðum samningsins mun byggðarráð taka málið til skoðunar að nýju.
Sigurjón Þórðarson og Gréta Sjöfn Guðmundsdóttir létu bóka að þau telji eðlilegt og hagkvæmt að bjóða út tryggingapakka sveitarfélagins eins og ráð var fyrir gert, enda liggi engin gögn fyrir í málinu sem benda til þess að skynsamlegt sé að fresta útboði auk þess sem Sigurjón óskaði bókað að hann telji svör byggðarráðs vegna málsins algerlega ófullnægjandi og upplýsa ekki að neinu ákvörðun meirihlutans að bjóða ekki út tryggingarnar eins og ráð var fyrir gert.
„Ég býð auðvitað spenntur eftir þeim svörum sem boðuð voru í afgreiðslu byggðarráðs á þessu erindi og undrast mjög þá u-beygju sem var tekin þegar því er frestað að bjóða út tryggingar sveitarfélagsins,“ segir Karl Jónsson í samtali við Feyki.
„Vátryggingar eru sá kostnaðarliður sem sveitarfélög eru hvað duglegust við að bjóða út til þess að tryggja að þau hafi ávallt bestu kjörin á sínum tryggingum og ég held að það hafi komið í ljós í undanförnum útboðum meðal sveitarfélaga að það séu rétt vinnubrögð. Þetta snýst um krónur og aura og sem besta nýtingu skattpeningum sveitarfélagsins og gagnsæja stjórnsýslu. Mér finnst þessi ákvörðun í raun kalla á fleiri spurningar en svör og hlakka mikið til að fá umrætt bréf frá sveitarstjóra þar sem vonandi nánari grein verður gerð fyrir ákvörðun Byggðaráðs“ segir Karl.
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.