Gæran hefst í kvöld
Tónlistarhátíðin Gæran hefst á Sauðárkróki í kvöld með Sólóistakvöldi á Hótel Mælifelli en Jón Jónsson mun loka því kvöldi, eftir að fjórir aðrir tónlistarmenn hafa komið fram. Á morgun föstudag verður svo barnaskemmtun með Páli Óskari á Mælifelli klukkan 17 og hinir eiginlegu Gærutónleikar verða í húsakynnum Loðskinns föstudags- og laugardagskvöld.
Þegar blaðamaður Feykis leit inn hjá Loðskinn upp úr hádegi í dag voru þar margar vinnufúsar hendur að störfum. „Hér er allt búið að vera á fullu alla vikuna,“ sagði Ásdís Þórhallsdóttir, sem er framkvæmdastjóri hátíðarinnar í ár, ásamt Adam Smára Hermannssyni. Byrjað var að tíma salinn, sem innihélt 480 stór bretti af Gærum, á mánudagsmorgun og var það níu tíma verk. Að því loknu var farið í þrif á salnum og síðan uppsetningu sviðs, ljósa- og tækjabúnaðar.
„Svo erum við að fara inn í þriggja daga tónlistarskemmtun sem byrjar á Mælifelli í kvöld klukkan átta. Þar eru fimm sólóistar og svo verða átta atriði hvort kvöld hérna í Loðskinni,“ segja þau Adam Smári og Ásdís.
Þau vilja ennfremur hvetja börnin til að fjölmenn á Mælifell á morgun. „Þar er frítt sjóv með Páli Óskari og hægt að láta taka af sér selfí með honum. Svo er aldrei að vita nema við komum með einhvern glaðning þar inn líka. Páll Óskar er að gera þrjú gigg á einum degi, og eins og hann sagði sjálfur er betra að vera úthvíldur,“ segir Adam Smári.
Hemúllinn kynnir hátíðarinnar
Þeir sem fram koma á Gærunni í ár eru Aron Óskars, Rythmatik, Kvika, Páll Óskar, Ottoman, Cantalgen Funeral, Blakkát og Hlynur Ben&Upplifun á föstudagskvöldinu. Inferno, LOTV (Lily of The Valey), Aron Hannes, Svenni Þór, Ká-Aká, Vio-band, Mosi Musik og Nykur koma svo fram á laugardagskvöldinu. „Svo ætlar Hemúllinn að vera með okkur alla helgina, hann hitar upp á sólóistakvöldinu og verður svo kynnir alla helgina, það er frábært að fá hann aftur í lið með okkur,“ segir Ásdís.
Miðasala á Gæruna er í Blóma- og gjafabúðinni á Sauðárkróki og á tix.is. Miðar verða seldir á forsöluverði til klukkan 18 á morgun og kosta þá 6.900 krónur. Miðasala verður einnig við dyrnar og þar kostar miðinn 7.900 krónur. „Þetta er gjöf en ekki gjald fyrir þriggja daga tónlistarhátíð,“ segja þau Adam Smári og Ásdís.
Miðarnir gilda á alla viðburði hátíðarinnar. Allar upplýsingar er að finna á fésbókarviðburði hátíðarinnar. Starfsmannafélög og aðrir hópar geta haft samband við Ásdísi í síma 771 3435 og fengið hópafslátt af miðaverði.
„Hér er allt að smella. Við erum komin lengra í uppsetningu en á sama tíma í fyrra og það stefnir allt í stærri og flottari hátíð. Við erum með fullt af flottum sjálfboðaliðum og stuðnings- og styrktaraðilum og erum þeim mjög þakklát,“ sögðu Adam Smári og Ásdís, framkvæmdastjórar hátíðarinnar að lokum.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.