Fuglaskoðunarhúsið Kristall á Spákonufellshöfða formlega opnað í gær
Í gær var formleg opnun á fuglaskoðunarhúsinu á Spákonufellshöfða en það var fyrsti dagskrárliður sjómannadagshelgarinnar, Hetjur hafsins, á Skagaströnd. Í vetur var auglýst eftir nöfnum á húsið og var það nafnið Kristall sem hitti í mark. Framkvæmdir á Spákonufellshöfða hófust síðastliðið haust og nokkuð síðan húsið var tilbúið til notkunar.
Verkefnið hlaut ríflega 11 milljón króna styrk úr Framkvæmdasjóði ferðamannastaða 2023. Húsið er hannað af Auði Hreiðarsdóttur arkitekt. Frekari merkingar um aðkomu að húsinu verða settar upp í sumar.
Reiknað var með að æstustu fulltrúar fuglanna, krían, léti sjá sig á höfðanum enda hennar tími kominn. Var íbúum því bent á að gott væri að taka með sér prik eða golfkylfu til að verjast ágangi hins fima fugls.
Dagskrá Hetja hafsins heldur áfram seinni partinn í dag þegar Sjómannadagshlaupið fer fram og samhliða því verður froðurennibraut. Þá verður fiskisýning á Fiskmarkaðinum og klukkan átta í kvöld verða tónleikar í Bjarnabúð. Þar mæta dömusveitin Skandall, Birkir, Margrét og Snorri, Huginn, Úlfur Úlfur og Herbert Guðmundsson. Reiknað er með að tónleikum ljúki um tíu og í framhaldi af því verður Músík Bingó Fanneyjar á Harbour. Skagstrendingar halda áfram að skemmta sér og gestum sínum á morgun, laugardag, en þá verður m.a. farið í skemmtisiglingu og skemmtun verður á bryggjunni sem hefst kl. 13:00. Áfram heldur svo fjörið á sunnudag.
Hér er hlekkur á eldri frétt um fuglaskoðunarhúsið og hér má sjá myndir frá formlegrui opnun þess >
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.