Frábær fyrsti leikhluti lagði grunninn að sigri gegn Grindavík
Grindavík og Tindastóll mættust í Smáranum í Kópavogi í gærkvöldi. Grindvíkingar voru taplaustir fyrir leik, höfðu líkt og lið Tindastóls unnið Hauka og ÍR og rassskellt lið Hattar. Þetta var leikur tveggja liða sem ætla sér langt í vetur og hafa bæði mannskapinn í það – bara spurning hvernig tekst til með að búa til lið og stemningu. Leikurinn reyndist stórskemmtilegur, Stólarnir áttu frábæran fyrsta leikhluta og það sem eftir lifði leiks voru Grindvíkingar að berjast við að saxa á forskotið. Þeir komust nálægt því að jafna í lokin en Stólarnir héldu út og voru kampakátir með tvö góð stig. Lokatölur 90-93.
Jafnræði var með liðunum framan af og staðan 9-9 þegar fjórar mínútur voru liðnar. Þá skyndilega fór allt að ganga upp hjá Stólunum í vörn og sókn og strákarnir náðu 15-0 kafla á næstu fjórum mínútum og Grindvíkingar virtust ekki vita hvort þeir voru að koma eða fara. Enn bættu gestirnar stöðuna og voru tuttugu stigum yfir að loknum fyrsta leikhluta. Staðan 12-32. Þeir sem eru vel að sér í sagnfræði Tindastóls vita að gott forskot getur verið fljótt að fara – ekki hvað síst gegn góðum andstæðingum. Grindvíkingar náðu að saxa á forskotið í öðrum leikhluta og munurinn var tólf stig um hann miðjan, 31-43, en Stólarnir gerðu vel í því að hleypa heimamönnum ekkert nær og munurinn yfirleitt um 15 stig fram að leikhléi. Staðan í hálfleik 45-59.
Það mátti reikna með að Grindvíkingar kæmu baráttuglaðir til leiks í síðari hálfleik og sú var raunin. Um miðjan þriðja leikhluta var munurinn aðeins sex stig, 58-64, en í stað þess að nýta sér meðbirinn gerðu heimamenn nokkur slæm mistök í sókn og vörn og á lokakafla leikhlutans náðu Stólarnir muninum á ný upp í 14 stig með góðum körfum frá Sadio, Geks og Basile. Staðan 63-77. Lokakaflinn reyndi nokkuð á taugar fjölmargra stuðningsmanna Stólanna sem létu að vanda vel í sér heyra á útivelli. Lið Grindavíkur hóf að saxa á forskot Tindastóls en Stólunum til hróss þá kom aldrei einhver alvöru slæmur kafli og alltaf datt ein og ein karfa inn. Sérstaklega var Basile drjúgur að skila boltanum rétta leið. Í stöðunni 82-88 negldi Arnar niður þristi og kom muninum í níu stig þegar tæpar tvær mínútur voru eftir en heimamenn gáfust ekki upp og þeir minnkuðu muninn í fjögur stig, 87-91, og mínúta eftir. Daniel Mortensen minnkaði muninn í tvö stig þegar níu sekúndur voru eftir en víti frá Basile kom muninum í þrjú stig og Grindvíkingar náðu ekki að finna skot til að jafna leikinn í blálokin.
Flottur sigur því staðreynd og allt önnur orka og einbeiting í liði Tindastóls í þessum leik en þeim fyrstu. Liðið lék á alsoddi í fyrri hálfleik og þá var Sadio hreint frábær. Þegar hægðist á leik liðsins í síðari hálfleik var það Basile sem tók yfir. Annars var allt lið Tindastóls að gera vel og gaman að horfa á leik liðsins í gær. Atkvæðamestur var Basile með 27 stig og sjö fráköst og sjö stoðsendingar, Sadio gerði 24 stig og tók átta fráköst, Geks var með 15 stig og Giannis 12. Drungilas gerði sex stig og tók átta fráköst en á þeim 26 mínútum sem hann spilaði unnu Stólarnir leikinn með 16 stigum.
Næstkomandi fimmtudag eiga Stólarnir heimaleik gegn Hetti.
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.