Föstudagurinn langi: Fljótamót og fleira
Það er nóg um að vera á Norðurlandi vestra um Páskahelgina. Í dag, föstudag, er þar meðal annars að finna Fljótamót í skíðagöngu, guðþjónustur og lestur Passíusálma.
Í síðasta tölublaði Sjónhorns birtist Páskadagskráin í Skagafirði og einnig er að finna upplýsingar um viðburði páskanna í Glugganum í Austur-Húnavatnssýslu og Sjónaukanum í Húnaþingi vestra
Skíðasvæðið í Tindastól verður opin frá kl. 11-16 í dag og verður tónlist í fjallinu. Grillað verður að hætti Skagfirðinga og haldið verður bakarísmót Sauðárkróksbakarís. Þá verður töfrateppið er í gangi og Crazy roller á svæðinu.
Hið árlega skíðagöngumót Ferðafélags Fljótamanna, Fljótamót, hefst kl. 13 við Ketilás. Skráning fer fram kl. 11:30-12:30. Að móti loknu verður veitingasala í Félagsheimilinu Ketilási.
Lestur Passíusálma í Sauðárkrókskirkju hófst kl. 10 í morgun. Passíusálmalestur hefst í Hvammstangakirkju kl. 12 í dag og eru það söngnemendur úr Tónlistarskóla Húnaþings vestra sem flytja söngatriði á milli lestra, kl. 12:30, 13:30, 14:30 og 15:30. Þá verður helgistund við krossinn í kirkjunni kl. 16. Guðþjónusta verður í Hóladómkirkju kl. 14, þar verður lesin Píslarsagan og passíusálmar. Guðþjónusta verður í Goðdalakirkju kl. 14 og einnig verður guðþjónusta í Mælifellskirkju kl. 14 og lesið úr Passíusálmunum þar kl. 14-17.
Í Víðidalstungukirkju verður föstuvaka kl 16:30, ræðumaður er Kristín Guðjónsdóttir. Píslarsagan verður lesin í Sauðárkrókskirkju kl. 17 og litanían sungin. Í Hólaneskirkju verður lágstemmd og falleg stund með lestri Passíusálma kl. 17. Hugrún Sif Hallgrímsdóttir leikur á orgelið. Þá verður guðþjónusta að kvöldi dags í Glaumbæjarkirkju kl. 20. Sigfús Pétursson og Þuríður Þorbergsdóttir syngja falleg lög og sálma. Í kvöld kl. 20 hefst lestur Passíusálma í Blönduóskirkju. Starfsfólk Húnavallaskóla les valda sálma og kirkjukórinn syngur á milli lestra.
Í kvöld verður svo opið á Microbar frá kl. 21 fram að lögbundinni lokun. Trúbbastemming með Svenna Þór verður á Mælifelli frá miðnætti til kl. 4 í nótt.
Sundlaugarnar á svæðinu eru opnar alla páskahelgina. Í dag er opið frá kl. 10 til 17:30 á Sauðárkróki, frá kl 12-17:30 á Hofsósi. Sundlaugin á Blönduósi er opin í dag frá kl. 10 til 16 og í Íþróttamiðstöðinni á Hvammstanga er opið frá kl. 10-16. Lokað er í Varmahlíð og á Blönduósi í dag.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.